Azərbaycanın mobil rabitə operatoru "Azercell Telekom" şirkəti virtual SIM kartlar tətbiq edə bilər.
Xeberler.az bildirir ki, bunu APA-ya "Azercell"in Media ilə əlaqələr şöbəsinin direktoru Nigar Şıxlinskaya deyib.
Onun sözlərinə görə, hazırda beynəlxalq bazarda mövcud olan ən qabaqcıl innovativ həllər şübhəsiz ki, Azərbaycanda da təqdim olunacaq və onların daxili bazarda təqdim olunmasında "Azercell" ilk növbədə maraqlıdır.
"İstifadəçilərimizin həyatını yaxşılaşdıracaq rəqəmsal həllərin müxtəlif səviyyələrdə tətbiqi bizim prioritetimizdir. Virtual SIM kartların tətbiqi təkcə "Azercell"dən asılı deyil. Burada dövlətlə tərəfdaşlığın böyük əhəmiyyəti var. Bu gün qanunvericilik hər bir istifadəçinin (SIM kart aldıqda) şəxsiyyətinin təsdiqini tələb edir. Virtual SIM kartların nə zaman tətbiq edəcəyimizi dəqiq söyləmək çətindir, lakin biz onu mütləq işə salacağıq. Hazırda "Azercell"in strategiyası rəqəmsallaşmaya əsaslanır və bu, bizim rəqəmsal strategiyamızın leytmotividir", - deyə N. Şıxlinskaya qeyd edib.
O həmçinin qeyd edib ki, gələcəkdə internet xidməti istifadəçilər üçün mümkün qədər əlçatan, hətta, ola bilsin, pulsuz olacaq.
"Bu sahənin ekspertləri hesab edirlər ki, internet pulsuz olacaq, həyat və texnologiya inkişafı bu istiqamətdə irəliləyir. Yalnız xidmətlərə tələbat olacaq, rabitə isə ünsiyyət üçün təbii əsas kimi istifadə ediləcək", - deyərək N. Şıxlinskaya əlavə edib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri