KOSMOS

Azərcosmos ASC Den Radunu Satış və Marketinq departamentinin direktoru vəzifəsinə təyin edib.

Xeberler.az bildirir ki, köhnə nəsil kabel texnologiyaları, müasir peyk və media əməliyyatları sahələrində  təcrübəsi olan Den Azərkosmosun uzunmüddətli inkişaf strategiyasına istiqamət verəcək və şirkətin satış potensialının artırılmasına dair səlahiyyətləri yerinə yetirəcək.

“Azərcosmos  Deni yüksək texniki təcrübəyə malik olması və kommersiya sahəsində əldə etidiyi  uğurları əsas tutaraq Satış və marketinq departamentinin rəhbəri kimi mühüm bir vəzifəyə təyin edib. Ən əsası,  onun  müştəri yönümlü olması Azərkosmosun dəyərləri ilə tam uyğunluq təşkil edir. Məhz bu keyfiyyət Dan Radunun Baş Kommersiya Direktoru vəzifəsinə təyin olunması qərarına təsir edən əsas amil olub.”-deyə Azərkosmosun Sədri Rəşad Nəbiyev bildirib.

Hazırda DTH, media və genişzolaqlı informasiya ötürülməsi üçün nəzərdə tutulmuş tətbiqlərə  artan tələbatı nəzərə alaraq,  Azərkosmos ikinci telekommunikasiya peyki Azerspace-2 vasitəsilə özünün regional strategiyası və peyk tutum həcmini daha da gücləndirməyi planlaşdırır.  Den Radu şirkətin hədəflədiyi yeni regionlarda cəlb olunacaq yeni müştərilərin tələbatlarını daha yaxşı başa düşməkdə Azərkosmosa yardımçı olacaq. Qeyd edək ki, Azerspace-2 peykinin 2017-ci ildə orbitə buraxılması planlaşdırılır.

Den Azərkosmosda satış və marketinq departamentinə rəhbərlik edəcək və Azərkosmosun Bakıda yerləşən qərargahında fəaliyyət göstərəcək.

Qeyd edək ki,  Den ötən 20 il ərzində peyk sənayesinin liderlərindən olan Intelsat, EMC² və Cisco kimi şirkətlərdə idarəetmə və satış sahəsində geniş təcrübəyə yiyələnib, Deutsche Telekom, Discovery Communications və s. peyk və media sahəsində ixtisaslaşmış  qurumlarda bir çox layihələrin uğurla icrasına öz töhfəsini verib.

Xeberler.az