“Azərpoçt” MMC karqo xidmətini istifadəyə verib

29-11-2022 / 17:06

Bu günədək universal poçt xidmətləri göstərən “Azərpoçt” MMC klassik biznes profilini genişləndirərək karqo xidmətini istifadəyə verib. Vətəndaşların tələbatına əsasən yaradılmış “Post Cargo” xidməti ilə Türkiyənin elektron ticarət platformalarından sifarişlərin ünvana çatdırılması indi daha sərfəli tariflərlə mümkün olacaq.

"Azərpoçt" MMC-dən Xeberler.az-a verilən məlumata görə, 1500-dək şöbəsi ilə bütün ölkəni əhatə edən “Azərpoçt”un yeni xidməti sayəsində artıq ən ucqar kənd və qəsəbələrin sakinləri də Türkiyənin onlayn alış-veriş saytlarından məhsulları rahat əldə edə biləcəklər. Belə ki, “Post Cargo” istifadəçilərindən sifarişlərin rayonlara çatdırılması üçün əlavə ödəniş tələb olunmur.

Müştərilərin rahat alış-veriş etmələri üçün “Post Cargo” xidmətinin mobil tətbiqi də istifadəyə verilib.

Qeyd edək ki, “Azərpoçt”un yeni xidməti ilə yaxın zamanda Amerika Birləşmiş Ştatları, Almaniya və digər ölkələrin elektron ticarət platformalarından da alış-veriş mümkün olacaq.

Maraqlananlar ətraflı məlumat üçün xidmətin https://www.postcargo.az veb-səhifəsinə daxil ola, mobil cihazlar üçün tətbiqi isə “Apple Store” və “Play Store”dan “postcargo” adı ilə axtarış edərək yükləyə bilərlər.

Mobil tətbiqi aşağıdakı linklərdən də yükləmək olar:

“Android”: https://play.google.com/store/apps/details?id=az.postcargo.user&pli=1

“iOS”: https://apps.apple.com/us/app/postcargo-az/id6444638412

Vurğulayaq ki, “Azərpoçt” biznes mühitində rəqabətliliyin inkişafı üçün bütün ölkəni əhatə edən poçt şəbəkəsindən digər sahibkarların da faydalanması üçün şərait yaradır. Qurum artıq uzun müddətdir ki, 5 karqo şirkəti ilə əməkdaşlıq edir və bunu davam etdirməyi planlaşdırır.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.