Bakıda İnternet istifadəçilərinin sayı 72 faiz artıb

30-07-2015 / 10:39

Genişzolaqlı rabitə xidmətlərinin tətbiqi üçün ATS-lərdə ADSL avadanlığının montaj tutumlarının sayı 207 min 640 ədədə çatdırılıb.

Bu barədə Xeberler.az-a Rabitə və Yüksək Texnologiyalar Nazirliyinin Bakı Telefon Rabitəsi İstehsalat Birliyindən (BTRİB)  verilən məlumatda bildirilir.

Məlumatda bildirilir ki, BTRİB tərəfindən paytaxtın telekommunikasiya şəbəkəsinin daha da inkişaf etdirilməsi məqsədilə ətraf kənd və qəsəbələrdə mövcud olan elektron ATS-lərin yeni nəsil şəbəkə avadanlığı əsasında yenidən rekonstruksiyası həyata keçirilib.

Yaşayış məntəqələrində sakinlərin keyfiyyətli rabitə xidməti ilə yanaşı yüksək sürətli internet xidmətləri ilə təmin edilməsi istiqamətində də işlər görülüb. Genişzolaqlı rabitə xidmətlərinin tətbiqi üçün ATS-lərdə ADSL avadanlığının montaj tutumlarının sayı 207 min 640 ədədə çatdırılıb.

Montaj olunan portların 91 faizi istifadəyə verilib. Kənar provayderlərə (operatorlara) məxsus ADSL-lər də nəzərə alındıqda BTRİB-nin şəbəkəsində genişzolaqlı xidmətlərdən istifadə etmək imkanlığı 380 min 640 porta çatdırılıb.

Bu ilin birinci yarısında İnternet xidmətlərinin həcmi keçən ilin müvafiq dövrünə nisbətən 45 faiz, istifadəçilərin sayı isə 72 faiz artıb. Hazırda BTRİB istifadəçilərə ayda 2,5 milyon manat həcmində İnternet xidmətləri göstərir. Ötən ilin müvafiq dövrünə nisbətən bu ilin 6 ayında Birlik üzrə internet xidmətlərindən əldə edilən gəlirlərin həcmi 8,3 faiz artıb.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.