“AzInTelecom” maliyyə mütəxəssisləri üçün əlverişli “1C” xidmətini təklif edir

30-06-2021 / 17:11

“AzInTelecom” MMC “Hesabdar.az” platforması ilə birgə Azərbaycan Qanunvericiliyi, Beynəlxalq Dövlət Sektoru Mühasibatlıq Standartları (IPSAS) və Beynəlxalq Maliyyə Hesabatı Standartlarına (IFRS) cavab verən “1C 8.3” bulud əsaslı mühasibatlıq xidmətini təklif edir.

Xeberler.az bildirir ki, “Azcloud” bulud xidmətləri nəzdində təqdim olunan “1C” proqram təminatı, kiçik və orta bizneslərə, həmçinin böyük şirkətlərə mühasibatlıq, satınalmalar, istehsalat, satış, insan resursları və əməkhaqqı hesablanması, maliyyə və anbar hesabatlarını güvənli, təhlükəsiz şəraitdə aparmağa imkan yaradır. Yüksək keyfiyyət, əlverişli abunə şərtləri, məlumatların 72 saat ərzində bulud xidmətlərilə rezervlənməsi, həmçinin “Hesabdar.az” tərəfindən 24/7 saat müştəriyə dəstək xidmətin üstünlüklərinə daxildir.

Təqdim edilən proqram təminatının konfiqurasiyasında sazlanmaların və düzəlişlərin aparılması haqqında istifadəçi yazılı şəkildə məlumatlandırılır və vaxtında rezervləmələr aparılır. Yeni istifadəçilərə xidmətdən rahat şəkildə yararlana bilmələri üçün təlimlərin keçirilməsi nəzərdə tutulur.

Müştərinin servisə qoşulma müddəti, məlumatların təqdim olunmasından ən gec 48 saat ərzində aktivləşdirilir. Hesabın aktivləşdirilmə prosesindən dərhal sonra müştəri müvafiq xidmətlərdən istifadəyə başlaması üçün “Hesabdar.az” səhifəsinə yönləndirilir.

Qeyd edək ki, “AzInTelecom” MMC beynəlxalq auditdən keçərək biznesin davamlılığı idarəetmə sistemi standartı (ISO 22301) sertifikatına layiq görülmüş ilk Azərbaycan şirkətidir. Bu sertifikat “AzInTelecom” və onun əlçatanlıq zonası əsasında xidmət göstərən “Azcloud” bulud həllərinin əlverişsiz şəraitdə də fəaliyyətini davam etdirməsinin mümkünlüyünü təsdiq edir. Eyni zamanda “AzInTelecom” MMC-nin Azərbaycan və Cənubi Qafqaz regionunda “TIER 3”, informasiya texnologiyaları xidmətləri üzrə idarəetmə sistemi standartı (ISO 20000) və informasiya təhlükəsizliyi üzrə idarəetmə sistemi standartı (ISO 27001) sertifikatlarına malik ilk əlçatanlıq zonası əsasında “Azcloud” bulud, “Azcloud Enterprise” və “Hökumət həlləri” xidmətləri göstərilir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.