AzScienceNet -də VPN texnologiyası ilə bağlı seminar keçirilib

11-05-2016 / 17:08

AMEA İnformasiya Texnologiyaları İnstitutunda 4 saylı şöbənin növbəti elmi seminarı keçirilib.

Xeberler.az-ın məlumatına görə, tədbiri giriş sözü ilə açan institutun texnologiyalar üzrə direktor müavini, texnika üzrə fəlsəfə doktoru Rəşid Ələkbərov elmi seminarın AzScienceNet Elm Kompüter Şəbəkəsində VPN texnologiyasının tətbiqi həllərinə həsr olunduğunu diqqətə çatdırıb.

Məruzəni təqdim edən institutun əməkdaşı Orxan Mənsimzadə VPN texnologiyasının (Virtual Private Network – Virtual Şəxsi Şəbəkə) imkanlarından danışaraq bu şəbəkənin internet üzərindən qurulan bağlantılar zamanı və ofislər arasında bağlantının təhlükəsiz təmin olunması məqsədilə istifadə olunduğunu bildirib. O, qeyd edib ki, VPN bağlantısı vasitəsilə informasiyanın şifrələnmiş halda istifadəçilər arasında təhlükəsiz şəkildə ötürülməsi həyata keçirilir:

 “VPN bağlantısı ilə bir nöqtədən digərinə informasiya göndərilərkən paket şifrələnir, digər tərəfdə isə paket deşifrələnərək informasiya açıq şəkildə təqdim olunur. Bu səbəbdən VPN texnologiyası təhlükəli zonalarda daha geniş istifadə olunur”.

VPN bağlantılarının növləri haqqında məlumat verən O.Mənsimzadə bu bağlantıların xüsusiyyətlərini nəzərə çatdırıb. Onun sözlərinə görə, VPN bağlantıları şəbəkə tərəfindən internet vasitəsilə təmin edilən infrastrukturu istifadə etməklə xüsusi şəbəkə üzərindəki serverə qoşulmağa imkan yaradır.

O, həmçinin VPN Tunel protokolları barədə ətraflı məlumat verdi, bu protokollardan istifadənin üstünlüklərindən danışıb.

 

Günel 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə