Yaşıl İT sahəsində problemlər araşdırılır

02-05-2018 / 10:48

AMEA İnformasiya Texnologiyaları İnstitutunda 4 saylı şöbənin növbəti elmi seminarı keçirilib.

Tədbiri giriş sözü ilə açan institutun texnologiyalar üzrə direktor müavini, şöbə müdiri, texnika üzrə fəlsəfə doktoru, dosent Rəşid Ələkbərov seminarın “Yaşıl İT sahəsində problemlər və onların həlli yolları” mövzusuna həsr olunduğunu bildirib.

Bu barədə Xeberler.az-a AMEA-dan məlumat verilib.

Mövzuya dair çıxış edən şöbənin əməkdaşı Orxan Mehdiyev hazırda dünyada geniş yayılmış yaşıl sertifikat haqqında məlumat verib. Bildirib ki, əsasən Avropada istifadə olunan bu sertifikat elektrik enerjisinin istehsalı zamanı alternativ enerji mənbələrindən istifadə edən müəssisələrə təqdim edilir.

Ekoloji alternativ enerji mənbələri haqqında məlumat verən məruzəçi buraya Günəş, cazibə qüvvəsi, külək, su enerjisi, bio-yanacaq, hidrogen və s. aid olduğunu qeyd edib.

O.Mehdiyev dünyada yaşıl İT üzrə fəaliyyət göstərən IBM, Amazon, Intel kimi qabaqcıl şirkətlər və onların “Green Software Strategy”, “Green Asus” təşəbbüsləri, eləcə də Green Grid layihəsi haqqında məlumat verib.

 Bildirib ki, bu təşəbbüs verilənlərin emal mərkəzlərinin enerji efektivliyinin artırılmasını nəzərdə tutur.

Bloom Energy layihəsindən söz açan məruzəçi bildirib ki, bu layihənin əsas məqsədi enerjini verilənlərin emalı mərkəzlərinin daxilində yaratmaqdır. XXI əsrdə verilənlərin emalı mərkəzlərinin əsas vəzifəsi enerjidən sərbəst şəkildə istifadə və maliyyə  xərclərinin kifayət qədər azaldılmasını təmin etməkdir.

O, həmçinin verilənlərin yaşıl  emalı mərkəzlərinin inkişaf tendensiyası, onların ölkələr üzrə paylanması, Yaşıl İT üzrə treninq və sertifikatlaşdırılma ilə bağlı bir sıra statistik məlumatları diqqətə çatdırıb.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə