Bakıda II Regional İnternet İdarəçilik Forumu keçirilir

02-12-2014 / 11:42

Dekabrın 2-də BMT-nin İnkişaf Proqramı və Rabitə və Yüksək Texnologiyalar Nazirliyinin birgə reallaşdırdığı “Azərbaycan Respublikasında İKT infrastrukturunun və İKT xidmətlərinin davamlılığının və səmərəriliyinin modernləşdirilməsi” layihəsinin təşkil etdiyi İKT vasitəsilə regional iqtisadi inkişaf və mədəni irəliləyiş üçün çoxtərəfli platforma mövzulu İkinci Regional İnternet İdarəçilik Forumu öz işinə başlayıb. 

Xeberler.az-ın məlumatına görə, forumun keçirilməsində əsas məqsəd daha da səmərəli və effektli regional iqtisadi inkişafa və mədəni irəliləyişə nail olmaq üçün internetin tətbiqinin müxtəlif yollarını, Azərbaycanın regional İKT inkişafının mərkəzi kimi yerli iştirakçılarının beynəlxalq mütəxəssislərlə təcrübə mübadiləsini və əməkdaşlığını həyata keçirməklə yanaşı bu sahədə olan problemlərin müzakirəsi, maraqlı layihələri nümayiş etdirməkdir. 

Hazırda forumda Rabitə və Yüksək Texnologiyalar Nazirinin müavini Elmir Vəlizadə, BMT-nin İqtisadi və Sosial məsələlər üzrə Departamentinin İdarəetmə və İctima Adminstrasiya üzrə baş mütəxəssisi Vyaçeslav Çerkasov, İCANN-ın Tərəfdaşları Əlaqələr üzrə Baş Direktoru Patrik Cons, İnternet Cəmiyyətinin Avropa Əlaqələri üzrə Meneceri Maarit Palovrita, AİF-in prezidenti Osman Gündüz və sair mötəbər qonaqlar iştirak edir. 

İki gün davam edəcək tədbirdə 180-200 nəfər Azərbaycan və digər ölkələrin hökumət, biznes nümayəndələri , elm və vətəndaşlıq cəmiyyəti sahələrinin mütəxəssisləri İnternetlə bağlı aktual problemləri (Rəqəmli erada hökumətin transformasiyası: “Açıq Hökumət Məlumatının (AHM) Azərbaycanda yeni inkişaf və istiqamətləri”, “Post-Sovet məkanında E – İştirakın innovativ imkanları”, Avrasiya və Azərbaycan regionunda E-təhsil imkanlarının yaradılması, “İKT innovasiyaları vasitəsilə davamlı inkişaf və ətraf mühitin qorunması” və s.)müzakirə etmək üçün toplaşıblar. 

Tədbir BMT-nin İqtisadi və Sosial məsələlər üzrə Departamenti(UNDESA), BMT-nin İnternet İdarəçilik Forumu üzrə Cenevrə Katibliyi, BMTİP-nin Azərbaycan Nümayəndəliyi, Azərbaycan İnternet Forumu (AİF), Rabitə və Yüksək Texnologiyalar Nazirliyinin birgə dəstəyi ilə keçirilir. 

Regional İnternet İdarəçilik forumu 2012-ci ildə Bakıda təşkil edilmiş 7-ci İnternet İdarəçilik Forumu ərəfəsində yaranıb və hər il qeyd edilir.

Mirvari 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.