TƏDBİRLƏR

Bu il sentyabrın 12-dən 14-dək Bakıda “Kibernetika və informatika problemləri” mövzusunda IV Beynəlxalq konfrans keçiriləcək

Azərbaycan Milli Elmlər Akademiyasının (AMEA) İnformasiya Texnologiyaları İnstitutundan AzərTAc-a verilən məlumata görə,  tədbirin təşkilatçıları AMEA, Rabitə və İnformasiya Texnologiyaları, Təhsil nazirlikləri, “Abdus Salam” Nəzəri Fizika Beynəlxalq Mərkəzi, AMEA-nın Kibernetika və İnformasiya Texnologiyaları institutları, Milli Aviasiya Akademiyası, Bakı Dövlət Universiteti, Azərbaycan Dövlət Neft Akademiyası, Azərbaycan Texniki Universiteti, Qafqaz Universiteti və Bakı Dövlət Universitetinin Tətbiqi Riyaziyyat İnstitutudur. 

İnformasiya -kommunikasiya texnologiyaları, intellektual texnologiyalar, sistemlər, seysmik cihazlar, sistemlər və texnologiyalar, modelləşdirmə, identifikasiya, ədədi üsullar, hesablama texnologiyaları, tətbiqi stoxastik analiz, idarəetmə və optimallaşdırma, sosial-iqtisadi sistemlərdə qərarların qəbul edilməsi konfransın əsas elmi istiqamətlərindən olacaqdır. 

AMEA-nın İnformasiya Texnologiyaları İnstitutunda keçiriləcək beynəlxalq konfransda ABŞ, Rusiya, Almaniya, İtaliya və digər ölkələrdən aparıcı alim və mütəxəssislər iştirak edəcəklər. 

xeberler.az