"Kibernetika və informatika problemləri" adlı beynəlxalq konfrans keçiriləcək

05-05-2010 / 02:52

Milli Elmlər Akademiyasının yaydığı məlumata görə 2010-cu il 6-8
sentyabr tarixlərində Bakıda  "Kibernetika və informatika problemləri"
(PCI'2010) III Beynəlxalq konfrans keçiriləcəkdir. Konfrans Süh və
İnkişafa naminə Elm gününə həsr olunur.


Konfransın təşkilatçıları Azərbaycan Respublikası Rabitə və
İnformasiya Texnologiyaları Nazirliyi, Azərbaycan Milli Elmlər
Akademiyası, Azərbaycan Respublikası Təhsil Nazirliyi, “Abdus Salam”
Nəzəri Fizika Beynəlxalq Mərkəzi, AMEA Kibernetika İnstitutu, AMEA
İnformasiya Texnologiyaları İnstitutu, Bakı Dövlət Universiteti,
Azərbaycan Dövlət Neft Akademiyası, Milli Aviasiya Akademiyası,
Azərbaycan Texniki Universitetidir. Konfransda ABŞ, Rusiya, Almaniya,
İtaliya və digər ölkələrdən aparıcı alimlərin iştirakı nəzərdə
tutulur.

Proqram komitəsinin həmsədrləri Azərbaycan Respublikası Rabitə və
İnformasiya Texnologiyaları naziri Əli Abbasov,  Azərbaycan Milli
Elmlər Akademiyasının prezidenti Mahmud Kərimov, Azərbaycan
Respublikası Təhsil naziri Misir Mərdanov, "Abdus Salam" Nəzəri Fizika
Beynəlxalq Mərkəzinin direktoru (İtaliya) Fernando Quevedodur.
Komitənin üzvləri isə Azərbaycan, Belarus, ABŞ, Qazaxstan, Latviya,
Yeni Zelandiya, Rusiya, Sinqapur, Koreya, Ukrayna, İtaliya, İsveçrə,
Türkiyə və Portuqaliyadan olan mütəxəssislərdir.

Konfransın mövzuları isə informasiya və kommunikasiya texnologiyaları,
intellektual texnologiyalar və sistemlər, modelləşdirmə və
identifikasiya, tətbiqi stoxastik analiz, idarəetmə və
optimallaşdırma, sosial-iqtisadi sistemlərdə qərarların qəbul edilməsi
və ədədi üsullar və hesablama texnologiyaları olacaq.

İşçi dillər İngilis, Azərbaycan və Rus dilləridir.

Konfransda iştirak etmək istəyənlər öz məruzələrini konfransın rəsmi
saytında (www.pci2010.science.az) qeydiyyatdan keçməklə yerləşdirə
bilərlər. Məruzələrin yerləşdirilməsi üçün son gün 30 apreldir və
məruzələr əvvəllər heç yerdə çap olunmamış və konfransın mövzularına
uyğun olmalıdır. Qəbul olunmuş müəlliflər 31 may tarixində
məlumatlandırılacaqlar və onların məruzələri konfransın “Əsərlər” adlı
kitabına pulsuz daxil ediləcək və www.pci2010.science.az saytında
yerləşdiriləcəkdir. Konfransın proqramı 15 iyun tarixində saytda
yerləşdiriləcəkdir.

www.pci2010.science.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə