Bakıda ödənişsiz Wi-Fi olan dayanacaqların sayı artırılır

25-12-2015 / 14:51

Bakcell şirkəti Bakı şəhərindəki avtobus dayanacaqlarında Wi-Fi xidmətinin istifadəsini genişləndirəcək.

Huawei və Bakcell şirkətlərinin birgə həyata keçirdikləri kampaniya çərçivəsində 2016-cı ildən paytaxtda pulsuz Wi-Fi xidməti təqdim edilən dayancaqların sayı artırılacaq.

Bakcell-dən Xeberler.az-a verilən məlumata görə, 2015-ci ilin noyabr ayından “Huawei & Bakcell LTE Campaign” layihəsi üzrə Bakıda təxminən 10 dayanacaqda Wi-Fi modemləri quraşdırılıb.

Sərnişinlər dayanacaqda olarkən şirkətin təqdim etdiyi Wi-Fi xidməti ilə elektron poçtlarını yoxlaya və ya sosial şəbəkələrə daxil ola bilirlər.

Şirkətin 2014-cü ildən təqdim etdiyi Wi-Fi internet xidmətindən 50 mindən artıq abunəçi, eləcə də "Bakcell" şəbəkəsini seçərək rouminq xidmətindən istifadə edən xarici qonaqlar yararlanıblar. Hazırda mobil operator 200-dən artıq nöqtədə pulsuz Wi-Fi şəbəkəsi təqdim edir.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə