İNNOVASİYA VƏ STARTAP

Kiçik və orta sahibkarlığın inkişafına xüsusi diqqət göstərən Bank BTB yerli mühəndislər tərəfindən yaradılan "Sumaks" layihəsinə güzəştli kredit ayırıb.

Şirkətin ictimaiyyətlə əlaqələr üzrə menecerinin Xeberler.az-a verdiyi məlumata görə, bu il Sumaks yeni layihəsi olan Avtomaksıtəqdim edib. Təmamilə yerli mütəxəssislər və proqramçılar tərəfindən hazırlanan Avtomaks cihazı Azərbaycan bazarında tam yerli məhsuldur.

Ləman Səfərli verdiyi açıqlamada məhsulun realizasiyası üçün müəyyən vəsaitə ehtiyacı olduqlarını bildirib. Bir neçə banklara müraciət edilməsinə baxmayaraq sırf startap olduqları nöqteyi nəzərindən və hələ satışa başlamadıqları üçün bankların əksəriyyəti kredit verməkdə maraqlı olmadıqlarını qeyd ediblər. Yalnız Bank BTBtərəfindən Sumaks mütəxəssislərinin müraciətinə müsbət cavab verilib.

Bütün riskləri nəzərə alan Bank BTB layihənin sırf yerli istehsal olduğu və gələcəkdə böyük uğur qazana biləcəyini nəzərə alaraq eyni zamanda ölkə iqtisadiyyatın şaxələndirilməsi, kiçik və orta sahibkarlığın inkişafı, əlverişli biznes mühitinin yaradılması məqsədilə bu layihəyə dəstəyi öz üzərinə götürüb.

Əlavə olaraq qeyd edək ki, məhz Bank BTB İnformasiya Texnologiyalarının İnkişafı Dövlət Fondu ilə əməkdaşlıq çərçivəsində Sumaks layihəsinə dəstək olub.

Avtomaks nədir? Bu cihazın üstünlükləri nədən ibarətdir?

Ölkədə istər yük və sərnişin daşımasının, istərsə də minik avtomobillərinin artımı bazara öz təsirini aşkar şəkildə göstərir.

Bir daha vurğulamaq yerinə düşər ki, təhlükəsizlik bütün dövrlərdə olduğu kimi indi də ön plandadır. Elm və texnologiyanın bu şəkildə inkişaf etdiyi bir zamanda təhlükəsizliyi təmin etmək daha da asanlaşıb. Bu texnologiya həmçinin insanların rahatlığını da təmin edir. Beləliklə, az enerji və vaxt sərf etməklə avtomobiliniz barəsində hər an məlumatlı ola biləcəksiniz. Əlavə olaraq, korporativlər hər zaman avtomobillərinin izlənməsini və onlar haqqında hər zaman məlumatlı olmağı ön planda tutublar.Bütün bunlar Avtomaks cihazı vasitəsilə reallaşır.

Avtomaks cihazının əsas üstünlüyü məhz avtomobilin təhlükəsizliyinin təmin olunmasıdır. Avtomobilinizi evakuator apararsa dərhal sizin mobil telefona bildiriş gələcək və siz əgər yaxınlıqdasınızsa dərhal cərimənizi ödəyib maşınınızın aparılmasının qarşısın ala bilərsiniz.

Bundan əlavə,  maşınınıza kənar şəxslər tərəfindən müdaxilə olub, oğurlandığı halda bu haqda mobil telefonunuza mesaj gəlir və siz dərhal bundan xəbər tutmuş olursunuz.

Bu cihazın korperativ səviyyədə üstünlüklərin sadalamaqla bitmir. Şirkətinizə məxsus olan avtomobilləri Avtomaks vasitəsilə nəzarətdə saxlamaq və mütamadi olaraq maşınların vəziyyəti barədə məlumat əldə etmək mümkündür.

Layihənin rəhbəri Cavid Məmmədov Xeberler.az-a bildirib ki, bu cihazların tezliklə fərdi istifadə üçün də satışa çıxarılacağın qeyd edib.

Sözü gedən cihaz təmamilə azərbaycanlı mütəxəssislər tərəfindən hazırlanan yerli məhsuldur.

 Məltəm Talıbzadə