Bu ölkədə sosial media istifadəçiləri vergi ödəməli olacaq

01-06-2018 / 16:11

Xeberler.az xarici mediaya istinadən məlumat verir ki, Uqanda Respublikası Parlamenti sosial mediadan istifadənin ödənişli olması ilə bağlı qərar qəbul edib. Belə ki, yeni tətbiqə görə sosial media platformalarından istifadə edən vətəndaşlar gündəlik 5 qəpik vergi ödəyəcəklər. 

Uqanda Parlamenti, xüsusilə də gənc deputatların etirazçılarına baxmayaraq sosial media istifadəçilərinin vergi ödəməsini əks etdirən bu qanunu qəbul etdi. Yeni qanunvericiliyə əsasən, Facebook, Twitter, WhatsApp kimi sosial media platformalarından istifadə edən vətəndaşlar 200 şillini yəni, 5 qəpik gündəlik vergi ödəyəcəklər.

Qanunvericiliyə etiraz edən millət vəkilləri, məbləğin iki qat çox olduğunu və gündə bir dollar belə qazana bilməyən aşağı təbəqə sakinlərinə mənfi təsir edəcəyini vurğulayıblar.

Mübahisəli qanunun 1 iyuldan tətbiqi elan ediləcəyi halda, hələ də mobil telefon istifadəçilərindən verginin necə yığılacağı məlum deyil.

Məsələni gündəmə gəturən Uqanda prezidenti Yoveri Museveni keçən ilin mart ayında öz çıxışında sosial mediyanın, əhalini ictimai söz-söhbətlərə təşviq etdiyini iddia edərək, bunun qarşısını almaq üçün medianı vergiyə cəlb edərək istifadəyə icazə verəcəklərini bildirib. O, internetdən təhsil və faydalı məlumat toplamaq məqsədi ilə istifadə edildiyi halda verginin tələb olunmamasını da vurğulamışdı.

Tənqidçilər, qərarın insanların söz və ifadə hüquq və azadlıqlarını məhdudlaşdırdığını bəyan edirlər.

Belə ki, ölkədə 20 milyondan çox mobil telefon istifadəçisinin sosial mediaya gətirilən sözü gedən yeni vergi qərarından təsirlənəcəyi gözlənilir.

 

Baba-zadə Sevinc


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə