Çində peyk rabitəsi üzrə məlumatötürmə sürəti rekord həddə çatıb

03-06-2025 / 09:30

Çin alimləri peyk rabitəsinin X-diapazonunda bir kanal üzrə 2100 Mbit/s olmaqla, məlumatötürmə sürəti üzrə milli rekord müəyyən ediblər. Bu göstərici əvvəlkilərlə müqayisədə 75 faiz daha sürətlidir.

Xeberler.az "Chinadaily" qəzetinə istinadən məlumat verir ki, bu texnoloji sıçrayış mülki peyklərdən artan həcmdə məlumatların ötürülməsini yaxşılaşdıracaq və kosmik tədqiqatların məhsuldarlığını artıracaq.

Peyk müşahidəsi imkanları daim inkişaf edir və peyklər getdikcə daha çox məlumat təqdim edirlər. Hazırda Çində mülki peyklər əsasən X-diapazonu vasitəsilə bir kanal üzrə 450-dən 1200 Mbit/s-ə qədər sürətlə məlumat ötürürlər. Lakin bu sürətlər kosmik tədqiqatlar üçün tələb olunan böyük məlumat həcmlərinin ötürülməsi üçün artıq kifayət etmir və bu, peyklərin səmərəli istifadəsini azaldır. Bu səbəbdən bir kanal üzrə ötürmə sürətinin artırılması böyük əhəmiyyət daşıyır.

Çin Elmlər Akademiyasının Aerokosmik İnformasiyalar İnstitutunun alimləri yeni yerüstü rabitə texnologiyasını sınaqdan keçirərək X-diapazonunda bir kanal üzrə 2100 Mbit/s ötürmə sürətinə nail olublar. Bu, mikrodalğalı rabitə ilə əvvəlki göstəricilərdən 75 faiz yüksəkdir.

Bu nailiyyət Yunnan əyalətinin cənub-qərbində yerləşən Liçzyan şəhərindəki peyk məsafədən zondlama yerüstü stansiyasında aparılan kompleks sınaqlar zamanı təsdiqlənib. Tədqiqatçılar sistemin texniki etibarlılığını uğurla nümayiş etdiriblər.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə