Hindistan Kosmik Tədqiqatlar Təşkilatı 23 xarici peyk buraxacaq

28-09-2015 / 16:11

Hindistan Kosmik Tədqiqatlar Təşkilatının (ISRO) kommersiya bölməsi Antrix Corporation şirkəti cari ilin sonunadək 23 xarici peykin buraxılmasına dair sazişlər imzalayıb.

Xeberler.az xarici mətbuata istinadən bildirir ki, söhbət xüsusilə 6 Sinqapur və 14 ABŞ peykinin buraxılmasından gedir. 

Antrix şirkəti ISRO tərəfindən həyata keçirilən peyklərin kommersiya buraxılışına cavabdehlik daşıyır. Bu günədək Hindistan raketdaşıyıcıları orbitə 51 ölkənin peykini çıxarıb.

Hindistan Kosmik Tədqiqatlar Təşkilatı fəaliyyət göstərdiyi 16 il ərzində xarici ölkələrin peyklərinin buraxılışından 100 milyon dollardan çox qazanc əldə edib.

Buraxılışlar 2 tonadək faydalı yük götürmə qabiliyyətinə malik PSLV tipli raketdaşıyıcıları vasitəsilə həyata keçirilir.

İlk dəfə 1993-cü ildə buraxılan PSLV tipli raketdaşıyıcısı 1999-cu ildə orbitə ilk xarici peyk çıxarıb.

Bu gün səhər PSLV-С30 raketi Hindistanın ilk ASTROSAT astronomik peyk rəsədxanasını uğurla orbitə çıxarıb.

 

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.