Dəmiryol qatarında WiFi internet

19-12-2008 / 14:34

  Yaponiyanın sürətli dəmiryolu qatarlarında sərnişinlərə təqdim olunan xidmətlər paketinə yeni servis əlavə olunub – WiFi texnologiyası üzrə internetə çıxış. Yaponiyanın iri telekommunikasiya şirkəti NTT Communications yaxın gələcəkdə saatda 270 kilometr sürəti ilə hərəkət edən N700 qatarlarının sərnişinlərinə bütün yol boyu qlobal şəbəkəyə çıxış xidməti təqdim edəcək.
  Qeyd edək ki, bundan əvvəl HotSpot internet servisi yalnız mağazalarda, restoranlarda, mehmanxanalarda və digər hərəkət etməyən obyektlərdə təqdim olunurdu. İndi isə şirkət saatda 250 kilometr sürəti ilə hərəkət zamanı internet rabitənin imkanlarını sınamaq niyyətindədir. Birləşmənin sürəti isə saniyədə 2 meqabaytadək təşkil edəcək.
  WiFi-siqnallar sərnişinlərin noutbuk və cib qurğularından qatarda quraşdırılmış xüsusi qoşulma məntəqəsinə ötürüləcək, buradan isə yol boyu quraşdırılmış 17 müxtəlif stasionar ötürücüyə məlumatlar yayımlanacaq.
  Xidmətin artıq qiyməti də məlumdur. Belə ki, birdəfəlik qoşulma haqqı 500 yen (5.73 ABŞ dolları) təşkil edir. Daim qatardan istifadə edənlər üçün isə 1600 yenə (19,25 dollar) bir aylıq abunə paketi təqdim olunur.http://www.cybersecurity.ru/

 

xeberler.az/Ellada


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.