Samsung 256 Qb həcmli mobil SSD-toplayıcı təqdim edib
Samsung şirkəti ən iri həcmli SSD-toplayıcısının istehsalına başlayıb. Yeni qurğunun həcmi əvvəlki modellərlə müqayisədə iki dəfə artırılıb və 256 qiqabayt təşkil edib. Şirkətdə qeyd edirlər ki noutbuklar üçün nəzərdə tutulmuş həmin modellərdə nəinki tutum, həmçinin verilənlərlə iş sürəti artırılıb. Yeni toplayıcılarda verilənlərin maksimal oxunması sürəti saniyədə 220 meqabayt, yazılma sürəti isə saniyədə 200 meqabayta bərabərdir, Cybersecurity yazır.
Yeni SSD-toplayıcı vasitəsi ilə 21 dəqiqə ərzində HD-formatlı 25 tammetrajlı film yükləmək olar. Müqayisə üçün qeyd edək ki, müasir qurğularda həmin proses 70 dəqiqəyə həyata keçirilir.
Enerji sərfiyyatına gəldikdə isə 256 QB-lıq model işlək rejimdə cəmi 1,1 Vt enerji sərf edir. Onun ölçüləri isə 128-qiqabaytlıq modelin ölçüləri ilə eynidir: çəkisi – 81 qr, qalınlığı – 9,5 mm., məlumat yazmaq üçün isə 2,5-düymlü çoxdərəcəli oyuqlar nəzərdə tutulub.
Samsung-un yeni məhsulun qiyməti barədə isə hələlik məlumat yoxdur.
