TƏHLİL VƏ RƏYLƏR

Daha öncə də məlumat verdiyimiz kimi, Multimedia Mərkəzi tərəfindən 01 fevral 2009-cu il tarixdən etibarən ictimai informasiya subyektlərinin ( dövlət orqanları və bələdiyyələrin) rəsmi internet resurslarının monitorinqi aparılır.

Monitorinqin daha öncəki gedişatı haqqında sizə məlumat vermişdik.

Xeberler.az olaraq nəzərinizə çatdıraq ki, monitorinq davam edir. Belə ki, Multimedia Mərkəzi may, iyun və iyul ayıarında da dövlət orqanlarının internet resurslarında monitorinq apararaq,mövcud vəziyyətlə bağlı ictimaiyyətə açıqlama verib.

Bu müddət ərzində Azərbaycan Respublikası Qiymətli Kağızlar üzrə Dövlət Komitəsinin www.scs.gov.az , Azərbaycan Respublikası Hesablama Palatasının www.ach.gov.az ,Tələbə Qəbulu üzrə Dövlət Komissiyasının www.tqdk.gov.az , Azərbaycan Respublikası Milli Televiziya və Radio Şurasının www.ntrc.gov.az ,Azərbaycan Respublikası Auditorlar Palatasının www.audit.gov.az , Azərbaycan Respublikası Dövlət Sosial Müdafiə Fondunun www.sspf.gov.az , Azərbaycan Respublikası Dini Qurumlarla İş üzrə Dövlət Komitəsinin www.scwra.gov.az ,Azərbaycan Respublikası Nəqliyyat Nazirliyinin www.mot.gov.az , Azərbaycan Respublikasının Prezidenti Yanında Dövlət Qulluğu Məsələləri üzrə Komissiyanın www.dqmk.az , Azərbaycan Respublikası Dövlət Torpaq və Xəritəçəkmə Komitəsinin www.dtxk.gov.az , Azərbaycan Respublikası Tarif Şurasının www.tariffcouncil.gov.az ,Azərbaycan Respublikası Müəllif Hüquqları Agentliyinin www.copag.gov.az , Azərbaycan Respublikası Fövqəladə Hallar Nazirliyinin www.fhn.gov.az , Azərbaycan Respublikası Sənaye və Energetika Nazirliyinin www.mie.gov.az , Azərbaycan Respublikası Mədəniyyət və Turizm Nazirliyinin www.mct.gov.az domen adlı İnternet saytlarının monitorinqinin yekunları hazırlanaraq icitmaiyyətə təqdim olunub.

Qeyd edək ki,monitorinq “İctimai informasiya subyektlərinə məxsus ictimai informasiyaların açıqlanması vəziyyətinin Monitorinqi” Layihəsi çərçivəsində həyata keçirilir və hal-hazırda da davam etdirilir. İctimai informasiya subyektlərinin informasiya açıqlığı vəziyyətini müəyyən etmək üçün aparılan Monitorinq ölkə qanunvericiliyi və beynəlxalq təcrübə nəzərə alınmaqla Multimedia Mərkəzi tərəfindən hazırlanan Metodika əsasında gerçəkləşdirilir. Metodikada dövlət qurumlarının rəsmi İnternet resurslarında yerləşdirilən informasiyaların kəmiyyət və keyfiyyət cəhətdən analiz edilməsi və qiymətləndirilməsi nəzərdə tutulub.

Daha geniş məlumatı www.informasiya.org saytından əldə edə bilərsiniz.

Xeberler.az