Dövlət qurumlarının rəsmi internet resurslarının monitorinqi başa çatır

21-10-2009 / 23:47

Daha öncə də məlumat verdiyimiz kimi, Multimedia Mərkəzi tərəfindən 01 fevral 2009-cu il tarixdən etibarən ictimai informasiya subyektlərinin ( dövlət orqanları və bələdiyyələrin) rəsmi internet resurslarının monitorinqi aparılır.

Monitorinqin daha öncəki gedişatı haqqında sizə məlumat vermişdik. Multimedia Mərkəzindən Xeberler.az-a daxil olan məlumata əsasən ictimai informasiya subyektlərinin ( dövlət orqanları və bələdiyyələrin) rəsmi internet resurslarının monitorinqi artıq başa çatmaq üzrədir.Hazırda yekun hesabat və  İctimai informasiya subyektlərinin informasiya açıqlığı üzrə reytinq cədvəli hazırlanır.Yekun hesabat və reytinq cədvəli yaxın günlərdə keçiriləcək dəyirmi masada ictimaiyyətə təqdim olunacaq.

Qeyd edək ki,monitorinq “İctimai informasiya subyektlərinə məxsus ictimai informasiyaların açıqlanması vəziyyətinin Monitorinqi” Layihəsi çərçivəsində həyata keçirilir. İctimai informasiya subyektlərinin informasiya açıqlığı vəziyyətini müəyyən etmək üçün aparılan Monitorinq ölkə qanunvericiliyi və beynəlxalq təcrübə nəzərə alınmaqla Multimedia Mərkəzi tərəfindən hazırlanan Metodika əsasında gerçəkləşdirilir. Metodikada dövlət qurumlarının rəsmi İnternet resurslarında yerləşdirilən informasiyaların kəmiyyət və keyfiyyət cəhətdən analiz edilməsi və qiymətləndirilməsi nəzərdə tutulub.

Daha geniş məlumatı www.informasiya.org saytından əldə edə bilərsiniz.

 

Xeberler.az


ŞƏRHLƏR


OXŞAR XƏBƏRLƏR







sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.