Multimedia Mərkəzi dövlət qurumlarını monitorinq edəcək

19-03-2015 / 15:45

Multimedia Mərkəzi  dövlət qurumlarının informasiya açıqlığı (onlayn şəffaflığı) üzrə monitorinqə başlayacaq.

Məlum olduğu kimi Mərkəz 2006-cı ildən başlayaraq sistemli olaraq dövlət qurumlarının informasiya açıqlığı  vəziyyətini araşdırır və müvafiq hesabatlar və dövlət qurumlarının  informasiya açıqlığı üzrə reytinq cədvəli tərtib edir.

Bu il həyata keçiləcək Monitorinq prosesində  75 Mərkəzi icra orqanının ( Nazirliklər, Dövlət komitələri və s ) və  67 yerli icra orqanının  (Rayon və şəhər icra hakimiyyətləri) rəsmi saytlarının informasiya açıqlığı vəziyyəti araşdırılacaq.

Mərkəzin ekspertləri tərəfindən monitorinqin metodikası da təkmilləşdirilib.
Metodika ölkə qanunvericiliyi, xüsusilə “İnformasiya əldə edilməsi haqqında Qanun və  beynəlxalq  təcrübə nəzərə  alınmaqla hazırlanıb.

Yerli icra hakimiyyəti orqanlarının Monitorinqi məqsədilə hazırlanan qiymətləndirmə meyarlarında yerli icra orqanlarına xas olan spesifik xüsusiyyətlər nəzərə alınıb.

Metodikada dövlət  qurumlarının rəsmi İnternet  resurslarında yerləşdirilən informasiyaların  kəmiyyət  və keyfiyyət  cəhətdən  analiz  edilməsi və qiymətləndirilməsi nəzərdə tutulub. 

Metodikada dövlət qurumlarının rəsmi saytlarının ümumən  50 parametr üzrə onlayn şəffaflıq vəziyyətinin analiz olunması nəzərdə tutulub.

6 ay davam  edəcək Monitorinq əsasında konkret hər bir dövlət qurumunun rəsmi saytı üzrə İcmal  və Tövsiyələrin hazırlanması, informasiya  açıqlığı üzrə Reytinq  Cədvəlinin və Yekun Hesabatın hazırlanması nəzərdə tutulub.

Monitorinq prosesinə aprelin əvvəlində başlanacaq.

Monitorinq Elektron xidmətlərin təşviqi üzrü İctimai Şura ilə əməkdaşlıq şəraitində keçiriləcək.

Layihə QHT-lərə Dövlət Dəstəyi Şurasının dəstəyi ilə həyata keçirilir.


ŞƏRHLƏR


OXŞAR XƏBƏRLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.