Çilinin şimalında dünyada ən böyük, yüksək piksel sıxlığına (3,2 milyard piksel) malik rəqəmsal kamera ilə təchiz olunmuş “Large Synoptic Survey Telescope”u (LSST) üçün meydançanın tikintisinə başlanılıb.
Yeni kamera sayəsində astronomlar kainatın genişlənməsi prosesi haqqında daha ətraflı məlumat əldə edəcək. Bu isə, kainatın genişlənməsinin sürətlənməsinə səbəb olduğu ehtimal olunan qaranlıq enerjinin təbiəti haqqında ilkin informasiyaya malik olmağa imkan verəcək.
Xəbərlər-in xarici sayta istinadən verdiyi məlumata görə, LSST teleskopunun 2019-cu ildə istifadəyə verilməsi nəzərdə tutulur. Teleskop 2022-ci ildən başlayaraq on il ərzində dəniz səviyyəsindən 2,7 km hündürlükdə, gecələr bütün səmanı fasiləsiz olaraq və yüksək sürətlə müşahidə edəcək. Onun rəqəmsal kamerası ilə əldə olunmuş şəkillər və spektroqrafik məlumatlar kainatın yüksək dəqiqliklə işlənmiş üçölçülü xəritəsini hazırlamağa və ondan istifadə edərək əsas kosmik obyektlərin yerdəyişmələrini izləməyə şərait yaradacaq.
Qeyd edək ki, Amerika Milli Elm Fondu, Amerika Energetika Nazirliyi və fransız tədqiqat təşkilatı olan “CNRS” bu beynəlxalq layihənin həyata keçirilməsində iştirak edir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları