SOSİAL MEDIA

Məşhur Alexa analitik şirkəti dünyanın ən çox daxil olunan 500 saytının reytinqini açıqlayıb. 

Xeberler.az RYTN-in elektron xəbər xidmətinə istinadən məlumat verir ki, planetin ən populyar resurslarının siyahısı tərtib edilərkən Amazon şirkətinin mütəxəssisləri 30 milyona yaxın saytı qiymətləndiriblər.

İştirakçıların yerlərini düzgün bölüşdürmək üçün analitiklər son 3 ayda giriş sayı, eləcə də bu və ya digər resursa sutkalıq daxilolma kimi göstəriciləri təhlil ediblər.

Reytinqdə 1-ci yeri tutan Google.com” saytının Hindistan versiyası 7-ci, Yaponiya versiyası 11-ci, Almaniya və Böyük Britaniya versiyası müvafiq olaraq 22 və 25-ci pillədə qərarlaşıb. İkinci mövqedə YouTube.com, üçüncüdə Facebook saytı yer alıb. Nəhəng Wikipedia elektron ensiklopediyası populyarlığa görə 5-ci yerlə kifayətlənməli olub. Həmçinin VKontakte sosial şəbəkəsi Instagram.com saytını üstələyərək reytinqdə 14-cü yerə layiq görülüb.

İlk iyirmilikdə Google.com, YouTube.com, Facebook.com, Baidu.com, Wikipedia.org, Yahoo.com, Google.co.in, Twitter.com, Amazon.com, Qq.com, Google.co.jp, Live.com, Taobao.com, Vk.com, Instagram.com, Linkedin.com, Hao123.com, Sohu.com, Sina.com.cn, 360.cn kimi dünyanın populyar saytları yer alıb.

Xeberler.az