E-estonia.com portalı Azərbaycanda m-rezidentlik barədə məqalə yerləşdirib

29-07-2020 / 15:46

Xeberler.az bildirir ki, Estoniyanın tanınan e-estonia.com portalı dünyada ilk dəfə Azərbaycanda təqdim olunan m-rezidentlik proqramının tətbiqi, əhatə dairəsi və inkişaf perspektivləri barədə məqalə dərc edib.

Məqalədə bildirilir ki, İqtisadi islahatların Təhlili və Kommunikasiya Mərkəzinin Rəqəmsal Ticarət Qovşağı (Digital Trade Hub) tərəfindən təqdim edilən m-rezidentlik dünyada yalniz iki ölkədə - Estoniya və Azərbaycanda tətbiq olunur. Bu proqram biznesin inkişafı üçün innovativ rəqəmsal imkandır. Məqələdə qeyd olunub ki, mobil rezidentlik dünyanın istənilən nöqtəsində olan sahibkar üçün biznes fəaliyyətinin sərhədsiz, əziyyətsiz və risk olmadan həyata keçirilməsi üçün unikal imkandır.

Sahibkarlar mobil rezidentlik vasitəsi ilə virtual kimlik əldə edirlər, bank xidmətlərindən yararlanırlar, eləcə də tam ödənişsiz şəkildə şirkət qeydiyyatı aparmaq imkanı əldə edirlər. Məqalədə həmçinin qeyd olunur ki, Estoniyanın B.EST Solutions şirkətinin dəstəyi ilə həyata keçirilən layihə qısa müddətdə dünyanın onlarla ölkəsində geniş istifadə olunur.

Məqalə ilə təqdim olunan link vasitəsiylə tanış ola bilərsiniz: https://bit.ly/2X2WcCu


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.