"Azərbaycanda 10 ildən çoxdur ki, mobil nömrə daşınması xidməti aktivdir. Yəni hansısa bir mobil operatorun abunəçisi öz nömrəsini necə varsa olduğu kimi saxlamaqla digər bir operatorun şəbəkəsinə keçirə bilir. Daşınmadan sonra nömrə tam olduğu kimi qalır, amma başqa bir mobil operator ona xidmət göstərir".
Xeberler.az məlumat verir ki, bu sözləri Azərbaycan İnternet Formunun Prezidenti, ekspert Osman Gündüz deyib.
Maraqlıdır görəsən hazırda bu sahədə statistika necədir ?
Görəsən nömrəsini başqa mobil operatora daşıdıqdan sonra yenidən əvvəlki operatoruna qayıdanlar olubmu?
Bu suallara cavab olaraq ekspert bildirib ki, ki, bütün bunlar yetərincə ictimai əhəmiyyət kəsb edən statistikadır. Yəni “hansından imtina edilib, hansı seçilib” məsələsi mobil operatorlardan narazılıq səviyyəsini, xidmətlərin keyfiyyəti ilə bağlı vəziyyəti öyrənmək üçün əhəmiyyətli bir indeksdir:
"Əlbəttə mobil operatorlara belə statistikanı açıqlamaq maraqlı deyil.
Amma bu statistikanı İKTA təqdim edə bilər, daha doğrusu İKTA açıqlamalıdır bu tip məlumatları.
Ötən müddət ərzində İKTA internet xidmətləri sahəsində, internet provayderləri ilə bağlı ictimai nəzarət imkanlarının yaradılması istiqamətində müəyyən faydalı işlər görüb. Rəqəmsal platforma yaradıb və bu sektorla bağlı ictimai əhəmiyyətli məlumatları da zaman-zaman açıqlayır.
Amma bu qurumun mobil operatorlara yönəlik tənzimləyici addımları, ictimai nəzarət üçün imkanlarlar yarada biləcək addımlar hələlik müşahidə olunmur".
Osman Gündüz düşünür ki, İKTA tərəfindən mobil operatorlar arasında nömrə daşınması statistikasını real olaraq əks etdirən bir platformanın yaradılması faydalı olardı:
"Bu statistikanın açıqlanması keyfiyyətsiz xidmətləri olan operatorlar üzərində ictimai qınağın formalaşdırılması, ictimai nzəarət imkanların yaradılması baxımından da əhəmiyyət kəsb edir".
