Ekspert: DOST Agentliyinin saytı nə üçün yoxdur?

11-07-2019 / 17:30

Xeberler.az bildirir ki, DOST Agentliyinin yaradılması ilə bağlı Prezident İlham Əliyev 1 il bundan öncə, 9 avqust 2018-ci il tarixdə fərman imzalayıb.
2018-ci il 10 dekabr tarixdə isə DOST-un fəaliyyətinin təmin edilməsi haqqında fərman imzalanıb.  Nizamnaməsi, strukturu, xidmətlərin siyahısı və s. təsdiq edilib. Xidmətlərin göstərilməsi Qaydaları müəyyən olunub. 

İnternet Formunun Prezidenti, ekspert Osman Gündüz məsələyə münasibət bildirib. Onun sözlərinə görə, DOST-un ,ƏƏSM Nazirliyinin İT Departamentindən də böyük bir İT strukturu formalaşıb. DOST-la bağlı xeyli informasiya ehtiyatı, strukturlar formalaşıb. Rəsmi açılış olub, Prezident İlham Əliyev bu tədbirdə iştirak edib.
Amma buna rəğmən, DOST-la bağlı informasiyaların, həmçinin xidmətlər və onlar haqqında informasiyaların daha rahat, elektron və onlayn formada əlçatanlığı üçün imkanlar yaradılmayıb. 

Ekspert bildirib ki, bu qədər vəsait ayrıldığı halda, nəhəng İT Departament olduğu halda görəsən nə üçün bir il ərzində DOST-un saytını yaratmağın mümkün olmaması təəccüb doğurur. Hətta bir neçə gün öncə Prezidentin fərmanı ilə DOST-un göstərəcəyi xidmətlərin sayı da azaldılıb. 

Osman Gündüz qeyd edib ki, biz DOST-dan xidmətlərin sayının artmasını , elektron formada olmasını gözlədiyimiz halda, bunun əksi ilə rastlaşırıq. O ümid edir ki, səlahiyyətli qurumlar bunlara aydınlıq gətirəcəklər. Bu məsələ bağlı isə DOST hələlik hər hansı açıqlama verməyib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.