"Erməni mediası yazır ki, qondarma “Arsax respubikası”nın qondarma prezidenti Arutunyan Kəlbəcərin Qozlu (Getavan) kəndində, Tərtər çayı üzərində su elektrik stansiyası tikməyi planlayır. Artıq bu haqda qərarın da qəbul edildiyi bildirilir. Hazırda bu ərazilər Rusiya sülhməramlılarının nəzarəti altındadır".
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
Osman Gündüz bildirib ki, 25 milyon $ dəyərində və 17.6 Mvt gücündə olan “Getavan-1” SES Xankəndi və ətraf ərazilərin enerji təminatını həyata keçirməlidir.
"Vəsait Arutunyanın özünün müşahidə şurasının sədri olduğu “Arsax İnvestisiya Fondu” tərəfindən maliyyələşəcək.
Düşünürəm ki, belə bir ciddi, həyati əhəmiyyətli infrastruktur imkanın qondarma “Arsax respublikası”na yaradılması yolverilməzdir.
Güman ki onlar bunu Rusiyanın, oradakı sülhməramlıların dəstəyi ilə gerçəkləşdirəcəklər. Fikrimcə buna ciddi reaksiya vermək lazımdır.
Sülhməramlıların olduğu ərazilərimizdə infrastruktrun yenidən qurulması, enerji və rabitə təhcizatının yenidən qurulması istiqamətində müşahidə olunan addımlar təhlükəlidir.
Onlar yendiən möhkəmlənmək fikrindədirlər. Düşünürəm ki, bu cür addımlar, infrastruktur işləri Azərbaycan hökumətinin iştirakı ilə gerçəkləşməlidir.
Ümid edirəm hökumət qondarma “Arsax prezidentinin” bu addımlarının qarşısnı ala biləcək".
