Ekspert: Düşünürəm ki, İT şirkətlərimiz WITSA-ya müraciət etməlidir

20-08-2019 / 16:51

Xeberler.az bildirir ki, bu il, 6 - 9 oktyabr tarixdə Yerevanda Ümumdünya İnformasiya Texnologiyaları Konqresi (WICT 2019) təşkil olunacaq. Dünya mediası və erməni saytları bu tədbirə xüsusi diqqət yetirirlər. Təşkilatçılar hər gün açıqlamalar verir. Konqresdə Barak Obamanın, Mark Zukenberqin , Bill Geytsin, Aleksis Ohanyanın (Reddit) və s. digər tanınmışların, ümumiyyətlə 70 ölkədən 2500 nümayəndənin iştirak edəcəyini bildirilir. Tədbir İT Assosiasiyaların Beynəlxalq Alyansı (WITSA - World Information Technology & Services Alliance ) tərəfindən təşkil olunur. Ermənistanın İT Assosiasiyası (UATE –Union of Advanced Technology Enterprises ) və digər bir qurumu da bu Alyansın üzvüdür. Dünya üzrə İT məhsulların 90%-nə sahib olan 80 İT Assosiasiya bu qurumun üzvüdür. Konqres 1978-ci ildən keçirilir. Əvvəllər 2 ildən bir keçirilirdisə , son illərdə tədbir hər il keçirilir. Gələn il isə Konqres Malayziyada təşkil olunacaq.

Azərbaycan isə indiyədək bu qurumun - WITSA -nın üzvü deyil. Məsələ ilə bağlı Azərbaycan İnternet Formunun Prezidenti, ekspert Osman Gündüz açıqlama verib:

"Ölkəmizdə, baxmayaraq ki, oturuşmuş İT şirkətlərimiz var, İT kommersiya sektorunda ictimai institutlaşma yetərli inkişaf etməyib. Xatırlayıram ki, 5- 6 il öncə bizim kommersiya İT qurumlarımız yığışaraq İT Assosiasiyası yaratmışdılar. Hətta Asossasiya Ədliyyə Nazirliyində qeydiyyatdan keçirilmişdi. Sonradan isə görünür ki, bunu inkişaf etdirən olmayıb . Belə görürəm ki, Nəqliyyat Rabitə və Yüksək Texnologiyalar Nazirliyindən də bir təşəbbüs olmayacaq. Yaxşı olardı ki, ölkənin İT sektorunda çalışan şirkətlər yığışıb bir ictimai qurum formalaşdırıb WITSA -ya müraciət etsinlər. Eyni zamanda 2 il öncə ASAN-nın təşəbbüsü ilə “Azərbaycan İnnovasiyaların İxracı Konsorsiumu” İctimai Birliyi də (AZINNEX) təsis olunmuşdu.
Düşünürəm ki, bu qurum da üzvülklə bağlı WITSA -ya müraciət edə bilərdi və çox faydalı olardı".

Son olaraq ekspert qeyd edib ki, 2012-də Azərbaycanda hökumətin dəstəyi ilə yüksək səviyyədə İnternetin idarəedilməsi üzrə Global Forum təşkil olunmuşdu. 100 ölkədən 1500 nümayəndə iştirak etmişdi. O zaman xarici qonaqlar Azərbaycanın İKT sahəsində regional mərkəzə çevrilə biləcəyini vurğulayırdılar. Belə görünür ki, Ermənisatn bu sahədə təşəbbüsü ələ almağa çalışır. Onlar bu cür genişmasştablı tədbirdən yetrincə bəhrələnməyə, İT şirkətləri isə yeni imkanlar, yeni maliyyə mənbələri və resurslar əldə etməyə çalışacaqlar.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.