Ekspert: “Hökumət Buludu”na keçid nə üçün ləngiyir ?

19-08-2020 / 17:03
Xeberler.az bildirir ki, ötən gün Prezident “Hökumət Buludu”nun formalaşdırlması və istifadəsi, bu sahədə səlahiyyət bölgüsü ilə bağlı daha bir neçə Fərman qəbul edib.
 
Bununla bağlı Azərbaycan İnternet Formunun Prezidenti, ekspert Osman Gündüz açıqlama verib:
 
2Ölkədə hökumət sektorunda rəqəmsal transformasiyanın uğurlu həyata keçirilməsi üçün “Hökumət Buludu” mühüm əhəmiyyət kəsb edir.
 
“Hökumət Buludu” NRYTN-ə məxsus Data Mərkəz üzərində formalaşdırılacaq. Qəbul edilən sənədlərə görə indiyədək səpələnmiş vəziyyətdə, ayrı-ayrı dövlət qurumlarına məxsus data mərkəzlərdə və serverlərdə yerləşdirilən bütün dövlət informasiya resursları Hökumət Buludu-na köçürülməlidir.
 
Məqsəd isə daha çox büdcə xərclərinin optimallaşdırılması, təhlükəsizliyin təmin edilməsi, inteqrasiya və s. məsələlərlə bağlıdır. Bütün dövlət qurumlarında bu məqsədlə ayrılan büdcə xərclərinin də bundan sonra NRYTN-ə verilməsi nəzərdə tutulub. Bununla bağlı Konsepsiya da mövcuddur. NRYTN-da ötən müddət ərzində bu istiqamətdə müəyyən işlər də görülüb".
 
Hökumət buluduna miqrasiya nə üçün ləngiyir ? sualına isə ekpert bu cür cavab verib:
 
"Dövlət qurumlarının informasiya resurslarının mərhələli formada NRYTN Data Mərkəzinə, “Hökumət buludu”na miqrasiyası üçün Keçid Planının hazırlanması bir il öncə nəzərdə tutulsa da xeyli ləngimə olub.
 
Güman ki, məhz bu baxımdan ötən gün qəbul edilən Prezident Fərmanında Keçid Planının qəbul edilməsi üçün NK-ya konkret bir ay vaxt verilib. Bildiyim qədər ləngimənin müxtəlif səbəbləri var.
 
Bizdə ən azı 5-6 dövlət qurumu var ki, onların uzun illər formalaşan, necə deyərlər nəhəng, NRYTN Data Mərkəzindən də böyük Data Mərkəzləri, onlarında müxtəlif rayonlarda ehtiyat variantları var. Onların taleyinin necə olacağı, miqrasiyası güman ki, sual altındadır.
 
Eyni zamanda bəzi dövlət qurumlarında Hökumət Buludunda xidmətlərə əlçatanlıq, zəruri servislərin mövcudluğu, dayanıqlıq, xərclərin bölünməsi, alternativ olan Yevlax Data Mərkəzin hazır olmaması və s. məsələlərlə bağlı narahatçılıqlar və suallar var".
 
Səlahiyyətlər kimdə olacaq ?
 
Ekspert bildirib ki, qəbul edilən sənədlərə görə dövlət informasiya resurslarının yaradılması ilə bağlı səlahiyyətlər ASAN-da, bu resursların Hökumət Buludunda yerləşdirilməsi və istismarı ilə bağlı səlahiyyətlər NRYTN-də, təhlükəsizliyin təmin edilməsi ilə bağlı səlahiyyətlər isə NRYTN və XDMX-in Xüsusi Rabitə və İnformasiya Təhlükəsizliyi Dövlət Agentliyindədir. NRYTN –də Hökumət Buludu ilə bağlı məsələləri AzİnTelecom icra edir.
 
Son olaraq Osman Gündüz onu da qeyd edib ki, ötən gün AzTV bununla bağlı bir veriliş hazırlamışdı. Təəssüf ki, veirlişə yalnız AzİnTelecom nümayəndələri dəvət aldığından bu sahədəki mövcud vəziyyət və problemlər elə də açıqlanmayıb.

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.