Hökumət Buludundan nə gözlənilir?

20-06-2019 / 16:23

“Bu ayın əvvəlində Prezident “Hökumət Buludu”nun yaradılması haqqında fərman imzalayıb. NRYTN bu infrastrukturun Operatoru təyin edilib. Fərmana görə Hökumət Buludu NRYTN-in DATA Mərkəzinə məxsus infrastrukturda formalaşmalıdır.Hökumət Buludunun tətbiqində əsas məqsəd dövlət xərclərini optimallaşdırmaq və azaltmaq, informasiya sistemlərinin fəaliyyətinin keyfiyyətli, dayanıqlı və təhlükəsiz infrastrukturda təşkilini təmin etməkdir. Düşünürəm ki kifayət qədər əhəmiyyətli bir sənəddir . Çünki, hazırda ən böyük Nazirliklərdən tutmuş adi bir dövlət qurumun da özəl Data Mərkəzi və ya ən azı balaca bir server otağı var. Və büdcədən də bu resursların saxlanılmasına, əlavə olaraq da kadrlara, hər birisinin təhlükəsziliyinin qorunmasınaı hər il milyonlarla vəsait xərclənir. Bu Fərman isə indiyədək səpələnmiş vəziyyətdə, hər bir dövlət qurumunun özəl Data Mərkəzlərindən və adi server otaqlarından ibarət olan dövlət resurslarının gələcəkdə vahid bir mərkəzdən idarəetməsini nəzərdə tutur”

Xeberler.az  məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert digər məqamlara da aydınlıq gətirib.

Bu Fərmanın icrası ilə nə baş verəcək ?

Bu Fərmanla NRYTN-ə tapşırılıb ki, bütün dövlət qurumları, o cümlədən dövlət şirkətləri və publik şəxslərin resursları Data Mərkəzində saxlanılsın, həmçinin “Hökumət buludu”ndan istifadəsi təmin edilsin. Mühit formalaşdırılsın, xərclər müəyyən edilsin və bu məqsədlə hökumətə müraciət olunsun.
Dövlət qurumlarına da tapşırılıb ki, resurslar Data Mərkəzə köçürülsün və Hökumət Buludundan istifadə təmin edilsin

Burada risklər varmı ?

Bəli var. Elə dövlət qurumu var ki onun hazırkı Data Mərkəzi NRYTN-nin Data Mərkəzindən bir neçə dəfə böyükdür. Hətta bu qurumların ehtiyat Data Mərkəzləri də qurulub. Bildiyim qədər ən azı 4-5 belə dövlət qurumu var. Belə olan halda onların köçürülməsi necə olacaq? Ümumiyyətlə sual yaranır ki bu tip dövlət qurumlarının resurslarının NRYTN Data Mərkəzinə miqrasiyasına ehtiyac varmı ?

Düşünürəm ki uzun illər oturuşmuş və hazırda normal fəaliyyət göstərən infrastrukturun miqrasiyası təhlükəsizilik və dayanıqlı fəaliyyət baxımından əlavə problemlər yarada bilər. Fikrimcə bundan sonrakı təkmilləşmə işlərinin, həmçinin də daha məhdud resurslarala malik bütün dövlət qurumlarının NRYTN Data Mərkəzinə və Hökumət Buluduna inteqrasiyası doğru olardı. Fərmanda bununla bağlı məsələlərə rəy verilməsi VXSİ Dövlət Agentliyinə həvalə olunub.Güman ki, bu risklər nəzərə alınaraq Fərmanda “Hökumət buludu”na Keçid Planını hazırlamaq da nəzərdə tutulub və bu iş NRYTN təklifləri əsasında hökumətə həvalə olunub.

Fikrimcə, bu gündən sonra dövlət resursları vahid mərkəzdən idarə ediləcəksə Data Mərkəzin və onun ehtiyat Mərkəzinin dayanıqlığı və təhlükəsziliyinə diqqət artırılmalıdır. Bildiyim qədər artıq 3 il başa çatdığından NRYTN Data Mərkəzdəki HP avadanlıqların lisenziya müddəti də bitib . HP nümayəndəliyi ölkəmizdə ləğv olunduğundan gələcəkdə update ilə bağlı məsələrin həll olunması ilə bağlı problemlər də zamanında nəzərə alınmalıdır. XDMX ilə birgə təhlükəszilik tədbirləri gücləndirilməlidir”


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə