Ekspert: Provayderlər vəziyyəti nəzərə alıb ödənişlərdə güzəşt etməlidir

05-11-2020 / 18:29
Artıq 1 aydan çoxdur ki, ikinci Dağlıq Qarabağ müharibəsi davam edir. Əvvəlki döyüşlərdən fərqli olaraq bu dəfə ölkədə hərbi vəziyyət elan olundu. Eyni zamanda internetin verilməsində, eləcə də sosial mediaya daxil olmaqda məhdudiyyətlər tətbiq edildi. Hazırda bir çox yerlərdə internet məhdudiyyəti var. Xüsusi proqramlar olmadan sosial mediaya daxil olmaq mümkün deyil.
 
Xeberler.az bildirir ki, son günlər internetə giriş imkanı məhdudlaşdırılan istifadəçilər ödənişlərlə bağlı bəzi fikir mübadiləsi aparırlar. Vətəndaşlar hesab edir ki, internetdən istifadə mümkün olmadığı üçün ödənişlər dayandırılmalıdır. Bəziləri isə heç olmasa, ödənişlərin yarıya endirilməsini məqbul sayır.
 
Maraqlıdır, ölkəmizdəki provayderlərin bu amilləri nəzərə alması mümkündürmü?
 
Sualları cavablandıran Azərbaycan İnternet Forumunun prezidenti  Osman Gündüz bildirib ki, internet provayderləri mövcud durumu nəzərə almalıdır.Ekspertin sözlərinə görə, ölkəmizdəki provayderlər hazırda magistral provayderlərdən internet alıb bizə satırlar:
 
“Magistral provayderlərdən alınan internet trafiki azdır. Bu baxımdan xərclər də kifayət qədər aşağıdır. Provayderlərin xərci az olduğu üçün müştərilərə güzəştlər edə bilərlər. Opitmal variqnt odur ki, provayderlər növbəti aylarda daha böyük trafik və sürətlər alıb, istifadəçilərə təqdim edə bilərlər. Beləliklə məsələ kompensasiya olsun. Düşünürəm ki, bu, doğru addım olardı”.

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.