Ekspert: Provayderlər açıq-aşkar istehlakçıların hüquqlarını pozur

31-03-2020 / 21:28
"Provayderlər açıq-aşkar istehlakçıların hüquqlarını pozurlar". 
 
Xeberler.az bildirir ki,bunu  qaynarinfo-ya açıqlamasında "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz son günlər internetin keyfiyyətinin aşağı düşməsindən danışarkən deyib. O bildirib ki, hər bir vətəndaş keyfiyyətli internet üçün provayderlə müqavilə bağlayır:
 
"Vətəndaş həmin ödənişin əsasında keyfiyyətli xidmət almalıdır. Açıq-aşkar vətəndaş müqavilədə göstərilən keyfiyyətli xidməti provayderlərdən ala bilmir. Bu, artıq qanun pozuntusudur. Vətəndaş bununla bağlı Nəqliyyat, Rabitə və Yüksək Texnologiyalar Nazirliyinə, ya da daha ciddi pozuntu varsa, məhkəməyə müraciət etməlidir".
 
Osman Gündüz internet paketlərinə də aydınlıq gətirib: 
 
"Hər bir internet paketinin üstündə onun tarifləri göstərilib. Əgər paketin üstündə göstərilən şərtlərlə real vəziyyət üst-üstə düşmürsə, deməli, bu xidməti təklif edənlər istehlakçıları aldadır. Bunun testini keçirmək lazımdır. Bu, eyni zamanda istehlakçıların hüquqlarının pozulmasıdır. Ona görə bununla bağlı ilk öncə xidməti təklif edənin özünə, sonra isə  İqtisadiyyat Nazirliyi yanında istehlakçıların hüquqlarının müdafiəsi ilə bağlı quruma müraciət etmək lazımdır. Yaxud da vətəndaş görsə ki, aldadılıb, o zaman məhkəməyə müraciət etsinlər". 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.