TƏHLİL

Uzun illərdir ki, gündəlik məktəb ləvazimatlarının ayrılmaz bir hissəsidir. Hər bir məktəbli üçün gündəlik həm zəruridir, həm də vacibdir. Əvəllər gündəlik uşaqların təhsili haqqında valideynə məlumat verən yeganə effektiv üsul idi. Texnologiya inkişaf etdikcə əlbəttə ki, üsullar da çoxalır. İndi isə adi öyrəşdiyimiz gündəliyin yerini elektron gündəlik tutmaq üzrədir.

Artıq elektron jurnal-gündəlik dünyanın bir neçə ölkələrində istifadə edilir.

Avstraliyada, ABŞ-da, Kanadada və bir çox Avropa ölkələrində təhsil sitemində elektron gündəlik tətbiq edilir.

Rusiyanın elektron gündəlik sahəsində təcrübəsi o qədər də böyük deyil. Hələ ki elektron jurnal-gündəlik vahid şəkildə tətbiq edilməyib. Buna baxmayaraq geniş şəkildə yayılmaqdadır.

Elektron gündəlik –məktəb elektron jurnalının və sms-gündəliklərinin yaradılması sitemidir. Bu sistem məktəb və şagirdlərin valdeyinləri ilə daha effektiv əlaqə yaratmağa kömək edir. Elektron gündəliyin köməyi ilə valideynlər uşaqlarının oxumağını izləyə, onların dərs cədvəlinə, ev tapşırıqlarına, qiymətlərinə, dərs davamiyyətinə,yoxlama işlərinin və imtahanların nəticələrinə baxa bilirlər.

Elektron gündəlik sistemində valideynlərin müəllimlər və müdiriyyətlə on-line danışıqlar aparması da mümkündür. Şagird haqqında bütün məlumatlar valideynlərə göndərilir. Valideynlər mobil telefonlarından (sms-xəbərlər şəklində), elektron-poçtdan və ya məktəbin internet ünvanından övladlarının təhsili haqqında məlumat ala bilirlər.

Elektron gündəlikdən istifadə şagirdlərin də psixologiyasına təsir edir. Uşaqda məsuliyyət yaradır, çunki o dərs prosesinin açıqlığını başa düşür. Nəticədə şagird öz vaxtında məşğələlərə gəlir və daha diqqətli olur. Ümumiyyətlə işgüzarlığı yüksəldir.

Yaxşı oxuyan uşaqlar üçün nə elektron gündəlik, nə də adi gündəliklər qorxulu deyil. Onlar üçün elektron gündəlik heç bir təhlükə yaratmır. Ancaq zəif oxuyan uşaqlar qorxurlar ki, valideynlər onların təhsili haqqında hər şeyi biləcəklər və heç nəyi gizlətmək mümkün olmayacaq.

Elektron gündəlik sistemi getdikcə dünya ölkələrində tətbiq edilir. Azərbaycanda da bir-neçə ilə bu sistemin tətbiq edilməsi gözlənilir. Elektron gündəliyin dünya səviyyəsində tam qəbul olunub-olunmayacağını isə vaxt göstərəcək.

Xeberler.az