“Elektron lisenziya” portalının yaradılması üçün açıq tender keçirilir

29-06-2016 / 11:31

İqtisadiyyat Nazirliyi “Elektron lisenziya” portalının yaradılması məqsədilə açıq tender elan edib.

Xeberler.az Report-a istinadən bildirir ki, bu barədə  qurumun Tender Komissiyasından bildirilib.

Təkliflərin qiymətləndirilməsində satınalma müqaviləsini bağlamaq səlahiyyətinin, maliyyə durumunun qənatbəxş olması (son ildə azı 2 mln. manat dövriyyə), texniki, maliyyə, işçi qüvvəsinə, idarəetmə səriştəsinə malik olması, vergilər və digər icbari analoji hökumət ödənişləri üzrə vaxtı keçmiş öhdəliklər haqqında məlumat, qiymət, keyfiyyət, avadanlıq və proqram təminatının texniki xüsusiyyətləri, mühafizə imkanları, istifadə və xidmət rahatlığı, təklifin tətbiqi üçün qısa müddət, bu cür layihələr üzrə təcrübə (ən azı 2 il), o cümlədən digər dövlət qurumlarında tətbiqi, texniki imkanlar, kadr potensialı kimi meyarlara üstünlük veriləcək.

Tenderdə iştirak etmək istəyənlər 1 min manat iştirak haqqını ödədikdən sonra Azərbaycan dilində tərtib olunan tenderin əsas şərtlər toplusunu Nazirlikdən (Hökumət Evi) ala bilərlər.

İddiaçılar tenderdə iştirak etmək üçün tələb olunan sənədləri (tender təklifi və bank zəmanəti istisna olmaqla) iyulun 19-dək, tender təklifi və bank zəmanətini isə möhürlənmiş iyulun 28-dək İqtisadiyyat Nazirliyinə təqdim etməlidir. Təklif zərflərinin açılma proseduru iyulun 29-da keçiriləcək.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.