Facebook-dan jurnalistlər üçün yeni layihə

13-01-2017 / 10:26

Dünən Facebook  şirkəti sosial şəbəkənin jurnalist və naşirlərlə daha sıx əməkdaşlığını nəzərdə tutan "Facebook Journalism Project" layihəsini istifadəyə verib.

Xeberler.az RYTN-in elektron xəbər xidmətinə istinadən məlumat verir ki, şirkətin bəyanatında deyilir:

"Biz məhsullar hazırlamaq üçün xəbər təşkilatları ilə əməkdaşlıq edəcəyik, jurnalistlərin ən yaxşı tərəfdaşı olmağı öyrənəcəyik və rəqəmli dövrdə məlumatlı oxucu olmaq üçün insanlara gərəkli bilikləri necə verməyi anlamaq üçün naşirlərlə işləyəcəyik".

Layihənin bəyan edilən istiqamətləri arasında birgə xəbər məhsullarının hazırlanması, həm jurnalistlər, həm də bütün istifadəçilər üçün treninqlər və alətlər yer alıb.

Layihənin istifadəyə verilməsi Facebook-un saxta xəbərlərlə mübarizə proqramının tərkib hissəsidir.

Xatırladaq ki, yalan xəbərlər probleminə diqqətin artırılmasına səbəb ABŞ-da keçirilən prezident seçkiləri olub.

Seçkilər başa çatdıqdan sonra bir çoxları Facebook-u səsvermənin nəticəsinə təsir göstərən çoxlu yalan xəbərlər yaymaqda təqsirləndirib.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.