Facebook saxta xəbərləri blok edəcək

07-02-2017 / 13:10

ABŞ-dakı prezident seçkilərində artan saxta xəbərlərə qarşı sərt münasibət göstərən  Google və Facebook Fransa prezident seçkiləri ərəfəsində güclərini birləşdirəcək.

Məlumat verdiyimiz kimi, Facebook Poynter Network ilə əməkdaşlıq çərçivəsində saxta xəbərlərə qarşı işarələmə və hesabat xidmətlərini təqdim edib.

Şirkət bu xidməti bir müddət öncə Almaniyada da  istifadəyə verib.

Google isə saxta və aldadıcı xəbərlərlə News Lab adlı qurumla mübarizə aparır.

Xeberler.az xarici mediaya istinadən məlumat verir ki, CrossCheck adlı yeni qurum Fransadakı prezident seçkilərinə dair saxta / aldadıcı xəbərlərlə mübarizə aparacaq və Google ilə Facebook da bu işdə ona dəstək olacaq.

Belə ki, Facebook  8 fransız media şirkəti ilə əməkdaşlıq edərək xəbər qeydlərində göstərilmiş faktları yoxlayan və etibarsız məqalələri blok edən yeni funksiyanı işə salıb. Bu əməkdaşlıq barədə verilən açıqlama Fransada prezident seçkiləri ərəfəsində saxta xəbərlərin yayılmasının qarşısını almaq məqsədi daşıyır.

Fransada prezident seçkiləri iki mərhələdə – 23 aprel və 7 may tarixlərində keçiriləcək.

İstifadəçilər bu və ya digər qeyddən şikayət etdikdə onu sosial şəbəkənin moderatorları müzakirə edəcək. Şübhələr öz təsdiqini taparsa, xəbər “Xronika” bölməsində uyğun olan bayraqla işarə ediləcək və istifadəçilər onu bölüşmək istədikdə ekranda xəbərdarlıq görəcəklər.

Facebook, xüsusi halda, “Le Monde” qəzeti, “Agence France-Presse” (AFP) informasiya agentliyi, BFM-TV telekanalı, həmçinin “Franceinfo”, “France Médias Monde”, “L'Express”, “Libération” və “20 Minutes” ilə əməkdaşlıq edir.

Şirkət daha bir funksiyanı dəstəkləyəcək. Belə ki, istifadəçilər CrossCheck funksiyası vasitəsilə kütləvi informasiya vasitələrinə suallar ünvanlaya və onları maraqlandıran mövzularla bağlı informasiya əldə edə biləcək.

Günel


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.