STARTAP AZƏRBAYCAN

Rusiyanın Skolkovo  fondu tərəfindən aprelin 17-18 aprel tarixlərində Bakıda  "Open İnnovations Startup Tour"-un keçirilməsi nəzərdə tutulub.

Xeberler.az-ın məlumatına görə, tədbirin əsas məqsədi perspektivli, innovativ və yüksək texnologiyalar sahəsində layihələrin həyata keçirilməsinə dəstək verməkdir.

Startap-turun Rusiyanın bir çox şəhərlərində, həmçinin, Kazaxstanda, Belarusda və digər ölkələrdə  keçirilməsi nəzərdə tutulub.

Müsabiqədə iştirak etmiş innovativ layihələrin qalibləri mükafatlarla yanaşı, Skolkovo  Texnoparkında təşkil olunacaq texnoloji sahibkarlar üçün "Startup Village" startap-konfransında iştirak hüququ əldə edəcək.

Təşkil ediləcək "Open İnnovations Startup Tour"-da Azərbaycanın startapları ilə yanaşı xarici startap layihələrin iştirakı da nəzərdə tutulub. Həmçinin, xarici layihələrin Azərbaycan bazarına tanıtım təmin etmək məqsədilə tədbir çərçivəsində Demo Günlər-in keçirilməsi planlaşdırılır.

Nəqliyyat, Rabitə və Yüksək Texnologiyalar Nazirliyinin, Yüksək Texnologiyalar Parkının və MDB Dövlətlərinin İcraçı Komitəsinin Skolkovo Fondu ilə birgə keçiriləcək tədbirdə ölkənin aparıcı akselerasiya proqramlarının, inkubasiya və co-working mərkəzlərinin iştirakı zəruridir.

Tədbirdə iştirak üçün buradan qeydiyyatdan keçmək lazımdır.

Startap layihələrin isə qeydiyyat səhifəsində «Подать заявку на конкурс» bölməsinə keçməsi tələb olunur.

Bakı Biznes Mərkəzində baş tutacaq tədbirdə startaplar üçün qeydiyyat üçün son gün aprelin 10-dur.  Digər iştirakçılar isə son günə qədər qeydiyyatdan keçə bilər.

Tədbirin proqramı ilə bağlı digər məlumatlar barədə ətraflı məlumat burada yerləşdiriləcək.

Məltəm Talıbzadə