İNNOVASİYA VƏ STARTAP

Startup Azərbaycan Təşkilat Komitəsindən Xəbərlər.az -a verilən məlumata görə, "Startup Azərbaycan 2015" layihəsinə fevralın 1-dən start verilir.

I Avropa Oyunlarının iyun ayında keçiriləcəyini nəzərə alaraq ənənəvi "Startup Azərbaycan 2015" təqdimat mərasiminin və milli konfransının da may ayının sonunda keçirilməsi planlaşdırılır.

Layihə çərçivəsində milli startapların müsabiqəsinin, startapçılar üçün təlimlərin, universitetlərdə Startap görüşlərinin, Startup Günlərinin, investorlarla görüşlərin keçirilməsi nəzərdə tutulur.

Cari ildə xüsusi nominasiyalar üzrə startaplar da müsabiqəyə qəbul ediləcək. Belə ki, SİNAM şirkətinin məhsulu olan GoMAP layihəsi və Elektron Hökumət Portalı üzərində hazırlanacaq mobil tətbiqlər də müsabiqəyə qəbul ediləcək və onlar xüsusi mükafatlar qazanacaqlar.

"Startup Azərbaycan 2015" çərçivəsində keçirilən müsabiqənin fevralın 1-dən başlayacağı bildirilir.

Hazırda "Startup Azərbaycan 2015" layihəsinə hazırlıq işlərinin davam etdiyi bildirilir.

Startup Azərbaycan layihəsinin əsas məqsədi milli startupların üzə çıxarılması və inkişafına dəstək vermək,  bu istiqamətdə maarifçilik işləri həyata keçirmək, ölkədə İnternet biznes mühitini yaxşılaşdırmaq və investorların bu sahəyə diqqətini artırmaq və innovativ ideyaların uğurlu biznes  sahəsinə çevrilməsinə yardım etməkdir.