Google-un baş direktoru ilin iş adamı oldu

17-11-2014 / 20:53

Tanınmış Fortune jurnalı Google şirkətinin baş direktoru Larri Peyci ilin iş adamı elan edib. Məlumat jurnalın rəsmi internet səhifəsində yer alıb.

Xeberler.az saytı bildirir ki, sıralamada ikinci yeri Apple şirkətinin başçısı Tim Kuk tutub. Dünya biznesinin digər liderlərini geridə qoyan Gilead Sciences farmakoloji şirkətinin rəhbəri Con Martin 3-cü yerdə layiq bilinib. Ona məxsus şirkət hepatit C ilə mübarizədə hər il dünyasını deyişən 350 min nəfəri xilas edə biləcək dərman preparatını təqdim edib.

Fortune jurnalının ehtimallarına əsasən, ilin iş adamlarının ilk 50-də texnologiya sahəsinin nümayəndələri az deyil. Bir müddət öncə dünya bazarına uğurla daxil olan Çinin Alibaba internet şirkətinin təsisçisi Cek Ma 10-cu, Facebook sosial şəbəkəsinin rəhbəri Mark Suxerberq isə 13-cü, İntuit şirkətinin rəhbəri Bred Smit isə 16-cı, Amazon şirkətinin baş direktoru Cef Bezos isə 25-ci yerdə qərarlaşıb.

Siyahıya həmçinin Neftlix şirkətinin rəhbəri Rid Xastinq (37 sıra), Microsoft şirkətinin baş direktoru Satya Nadella (38), Airbnb şirkətinin başçısı Brayn Çeski (44), Uber şirkətinin baş direktoru Trevis Kalanik (48) düşüblər.

Mənbə: lenta.ru

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.