Gürcüstan Microsoft-a 100 min dollar ödəyəcək

28-11-2016 / 11:32

Ötən ilin noyabr ayından bu ilin noyabr ayınadək Gürcüstanda Microsoft-un əqli mülkiyyət hüququnun pozulduğu 10 məhkəmə işinə baxılıb ki, bunlardan artıq yeddisi üzrə proses başa çatıb.

Xeberler.az-ın məlumatına görə, kompensasiyanın ümumi məbləği 239 min laridən çox təşkil edib ($96,1 min).

Məhkəmədə işinə baxılan şirkətlər kompensasiyanı ödəməklə yanaşı, istifadə etdikləri lisenziyasız proqram təminatlarını da leqallaşdırıb.

Hazırda Gürcüstan məhkəməsi Microsoft-un əqli mülkiyyət hüququnun pozulduğu daha üç məhkəmə işinə baxır. Müəllif hüquqlarının pozulmasına qarşı bu cür mübarizə Gürcüstanda Microsoft şirkətinin əqli mülkiyyət hüquqlarının qorunması üzrə maraqlarını təmsil edən “Business Legal Bureau” (BLB) hüquq şirkəti tərəfindən həyata keçirilir.

“Əqli mülkiyyət hüquqlarının effektiv qorunması Gürcüstanın gələcəkdə Avropa Birliyinə qoşulma səylərinin ayrılmaz bir hissəsidir. Cari qanunvericilik müəllif hüquqları sahiblərini qanunsuz proqram təminatından istifadəsi ilə mübarizə sahəsində hüquq mexanizmləri ilə təmin edir. Bu mexanizm sayəsində müəllif hüququ sahibləri inzibati, cinayət və mülki icraatları başlada bilərlər”, - deyə BLB-nin icraçı partnyoru və Microsoft-un hüquq məsləhətçisi Kaxa Şarabidze bildirib.

BSA-nın (Business Software Alliance) apardığı son qlobal araşdırmanın nəzticələrinə əsasən, 2015-ci ildə Gürcüstanda proqram təminatlarının 85%-i lisenziyasız olub ki, bunun da ümumi dəyəri $24 mln. təşkil edib.

“Qanunsuz proqram təminatından istifadə həm şirkətlər, həm də istifadəçilər üçün böyük risklər yaradır. Bu cür davranışların nəticələri bizneslər üçün tərəfdaş və investor inamının və nüfuzun itirilməsinə gətirib çıxara bilər. Qeyri-leqal proqram təminatından istifadə kibercinayətlara yaşıl işıq salır. Qurbanlara çevrilmiş istifadəçilər isə maliyyə itkiləri, əsəb pozuntusu və bəzən də məxfi məlumatların itkisi ilə öz səhvlərinin cəzasını çəkirlər. Məsələn, bu cür kiberhücumların nəticələrini aradan qaldırmaq üçün orta hesabla 45 gün vaxt tələb olunur. Bununla yanaşı, proqram təminatının daha münasib qiymətə bulud texnologiyası ilə leqallaşdırmaq mümkündür”, - deyə Microsoft Ukraine şirkətinin Əqli mülkiyyət hüquqlarının qorunması departamentinin rəhbəri Yelena Dmitriyeva qeyd edib.

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə