Azərbaycanda "YouTube" kanalları bağlana bilər

22-02-2021 / 17:20

Azərbaycanın Əqli Mülkiyyət Agentliyi sosial şəbəkələrdə müəllif hüquqlarının qorunması istiqamətində təhlil aparıb.

Xeberler.az bildirir ki, bu barədə agentliyin direktoru Xudayət Həsənli “İctimai TV”yə müsahibəsində deyib. Onun sözlərinə görə, artıq bununla bağlı aidiyyatı orqanlara arayışlar göndərilib.

Müxtəlif şikayətlər əsasında müəlliflərin "YouTube" kanallarının bağlanması və gələcəkdə baş verə biləcək uyğun hüquq pozuntularının qarşısının alınması məqsədilə agentlik tabeliyindəki Əqli Mülkiyyət hüquqlarının Təminatı Mərkəzinə tapşırıqlar verib və Multikanal Media Şəbəkəsinin yaradılması istiqamətində işlərin görülməsi tapşırılıb.

Hazırda mərkəzdə bu fəaliyyətin qurulması üçün işlər aparılır.

İnformasiya-kommunikasiya texnologiyalarının, o cümlədən sosial media, videopaylaşım və digər rəqəmsal media platformalarının sürətli inkişafının əsərlərin istifadəçiləri üçün yaratdığı geniş imkanlar hesabına son illər “YouTube” kimi videopaylaşım platformalarında müəllif hüquqlarının pozulması hallarının artdığını nəzərə alaraq, mövcud problemin öyrənilməsi və neqativ halların aradan qaldırılması yollarının müəyyən edilməsi məqsədilə Prezident Administrasiyasının tapşırığı əsasında Əqli Mülkiyyət Agentliyi müvafiq hazırlıq işləri görüb, araşdırmalar aparıb, o cümlədən “YouTube” kimi platformalarla əməkdaşlığı təmin edəcək “Multikanal şəbəkə”nin yaradılması istiqamətində görüləcək işlər müəyyən edilib.

Hazırlıq işlərinin görülməsi prosesində sentyabr ayında Agentlikdə “Rəqəmsal şəbəkələrdə əqli mülkiyyət hüquqlarının qorunması” mövzusunda Prezident Administrasiyasının Xarici siyasət məsələləri şöbəsinin Beynəlxalq yazışmalar və diplomatik korpuslar sektorunun, Azərbaycan Respublikasının Birinci vitse-prezidentinin Katibliyinin və Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətinin aidiyyəti şəxslərinin iştirakı ilə keçirilmiş görüşün nəticələri də nəzərə alınıb.

Tapşırığın icrası ilə əlaqədar, Agentliyin tabeliyində olan Əqli Mülkiyyət Hüquqlarının Təminatı tərəfindən “Multikanal Şəbəkə” barədə ilkin arayış və fəaliyyət planı, həmçinin gələcəkdə zəruri texnoloji infrastrukturun qurulması üçün lazımi avadanlıqlarla bağlı təklif hazırlanıb. Hazırda müəllif hüquqlarının qorunması məqsədilə “YouTube” kimi platformalarla əməkdaşlıq edəcək vahid “Multikanal Şəbəkə” formalaşdırılaraq əqli mülkiyyət hüquqlarının qorunmasının həyata keçirilməsi üçün zəruri tədbirlərin həyata keçirilməsi işi davam etdirilir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.