TƏDBİRLƏR

Məlumat verdiyimiz kimi, Barama İnnovasiya Mərkəzi tərəfindən Bakıda gənc proqramçılar üçün HackDay təşkil edilib.

Xeberler.az-ın məlumatına görə, bu gün səhər saatlarından etibarən HackDay 2016 başlayıb.

Belə ki, tədbir Barama İnnovasiya və Sahibkarlıq Mərkəzində  "Python ilə proqramlaşdırmanın əsasları" adlı təlim ilə fəaliyyətinə başlayıb.

Qeyd edək ki, 13 komandanın iştirak edəcəyi bu yarışın ilk 2 günündə proqramçılar təlimlərdə iştirak edərək biliklərini daha da təkmilləşdirəcək.

Tədbirin açlışında  Barama İnnovasiya və Sahibkarlıq Mərkəzinin kordinatoru Fidan Tofidi HackDay barədə ətraflı məlumat verib, komandalara uğurlar arzulayıb.

 Daha sonra  Sumaks şirkətindən dəvət olunmuş proqramçı Cahangir Şəbiyev də iştirakıçlara ətraflı məlumat verib.

Bu gün "Web server təhlükəsizliyi və qorunma üsulları”, Python dili , proqramlaşdırılma ilə bağlı təlimlər keçiriləcək.

Yarış  martın 12-də 09:00-da başlayacaq.

36 saat davam edən yarışma 13 mart 21:00 dayandırılacaq. 14 mart 10:00-da baş tutacaq mükafatlandırma mərasimi ilə HackDay2016 yarışı yekunlaşacaq. Proqramçılar bu müddət ərzində yarışın “Code. Eat. Sleep” (Kodlaşdır. Ye. Yat) şüarına uyğun olaraq yatmadan işləyəcəklər.

Azercell-in baş sponsorluğu, PAŞA Bank və Huawei Mobile Azərbaycanın sponsorluğu  ilə təşkil olunan yarışda 1-ci yerə layiq görülən komanda üzvləri Huawei şirkəti və Azercell tərəfindən qiymətli hədiyyələr ilə mükafatlandırılacaq. Yarış müddətində proqramçıların yemək təminatını isə PizzaMizza şirkəti öz öhdəsinə götürüb.

Tədbirin rəsmi informasiya dəstəyi technote.az informasiya portalıdır.

Məltəm Talıbzadə