Hansı mobil telefon modelindən yararlanırsınız? (sorğu)

05-12-2014 / 08:09

Xəbərlər.az saytı Bakı sakinlərinə "Hansı mobil telefon modelindən yaralanırsınız","niyə məhz bu model", "nədən razısınız", “hansı funksiyaları sizi qane etmir" sualları ilə müraciət edib.

 Nurlan Salamov,18 yaş, tələbə

Samsung Galaxy Grand markalı mobil telefon işlədirəm. Dostlarım, qohumlarımdan eşitmişdim ki, bu telefon bir çox funksiya, proqramlara malikdir və istifadəsi asandır, qiyməti də uyğun olduğu üçün onu seçdim. İndi peşmanam, telefon tez-tez donur, funksiyaları itir. Razı deyiləm.

Rahib Məmmədov, 40 yaş, mühasib

Nokia markalı mobil telefondan istifadə edirəm. Əlbəttə, yeni modellər də çıxır, amma mən Nokia-nı daha çox sevirəm. Telefon yazışmalar, məlumat toplamaq, bilik dairəmi genişləndirmək üçün çox əlverişlidir. Məsələn, əvvəllər elə kitab, məlumatlar vardı ki, biz onları çətinliklə əldə edirdik. Amma indi bütün sahələrlə bağlı informasiyanı telefondan əldə etmək mümkündür. İnsan maraq dairəsini düzgün bölməlidir, telefon aludəçisi olmaq düzgün deyil.

Kifayət Osmanova, 48 yaş, evdar qadın

İstifadə etdiyim telefon markası HTC One minidir. Bu telefonu 1 ildir istifadə edirəm və çox razıyam. Telefonumda ən çox sevdiyim xüsusiyyət onun çəkilişinin effektli olmasıdır. Bu telefonun vasitəsiylə hər şeyi HD formatda çəkə bilirəm, kamerası 4 MP-dir, bununla yanaşı sensoru da çox yaxşıdır. Digər telefonlardan fərqli olaraq heç vaxt donmur və 16 GB daxili yaddaşı mənə hər şey üçün kifayət edir. Məhz bu xüsusiyyətlərinə görə bu telefonu seçmişəm.

İmdad Bayramov, 50 yaş, psixoloq

İphone istifadə edirəm. Bu telefonu ona görə seçmişəm ki, burada mail-dən, internetdən yararlanıram. Viberdən istifadə edirəm, çünki övladım xaricdə təhsil alır. Sensorundan razıyam, internetə qoşulma sürətlidir. Modellər tez-tez dəyişir, qiymətlər artır, bu da insanlarda həvəs yaradır, müəyyən mənada maddi xərclərə gətirib çıxarır. Bununla razı deyiləm.

Günel Məlikova, 17 yaş, tələbə

İstifadə etdiyim mobil telefon Alcatel One touch hero-dur. Əslində bu telefon mənə hədiyyə edilib. Telefonun sürətini bəyənirəm, bir də interneti yaxşıdır. Kamerası məni qane etmir, həm də Azərbaycan şrifti yox idi, sonradan özüm yükləmişəm.

Əfsanə Şərif


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.