Türksat 4B peyki orbitə çıxarılıb

17-10-2015 / 13:21

Məlumat verdiyimiz kimi, Proton-M raket daşıyıcısı Türkiyənin Türksat 4B rabitə peykini geostasionar orbitə çıxarıb.

Xeberler.az-ın xarici mətbuata istinadən verdiyi məlumata görə, Rusiya Kosmik Agentliyindən məlumat verilib ki, oktyabrın 16-da Moskva vaxtı ilə saat 23:40-da Baykonur kosmodromundan start götürən Proton-M oktyabrın 17-də Briz-M start blokunun köməyilə Türksat 4B rabitə peykini nəzərdə tutulan orbitə çıxarıb. 

Kosmik aparat 36 min kilometr yüksəklikdə geostasionar orbitə çıxarılıb.

Türksat 4B  Yaponiyanın aparıcı şirkəti Mitsubishi Electric (Melco) korporasiyası tərəfindən Türkiyənin peyk operatoru Turksat Satellite Communication, Cable TV and Operation A.S.  üçün hazırladığı ikinci telekommunikasiya peykidir.

Yeni aparat Türkiyə, Avropa, Mərkəzi Asiya, Afrika və Yaxın Şərqdə yayım və genişzolaqlı xidmətlərin göstərilməsi üçün nəzərdə tutulub. Türksat 4B yerdən 36 min km məsafədə geostasionar orbitdə, 50 dərəcə şərq uzunluğunda yerləşəcək.

 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.