İİTKM-də Asiya İnkişaf Bankı nümayəndələri ilə görüş keçirilib

03-09-2025 / 13:00

İqtisadi İslahatların Təhlili və Kommunikasiya Mərkəzində Asiya İnkişaf Bankının (AİB) nümayəndələri ilə görüş keçirilib.

Xeberler.az bildirir ki, görüşdə "COP29: Potensialın inkişafı – Azərbaycan üzrə diaqnostik tədqiqat: Yaşıl, diversifikasiya olunmuş və davamlı iqtisadiyyatda iş  bacarıqları" adlı texniki yardım layihəsi çərçivəsində müzakirə aparılıb. Giriş nitqi ilə çıxış edən İİTKM-in icraçı direktorunun müavini Ramil Hüseyn Mərkəzin fəaliyyəti ilə bağlı qonaqlara geniş məlumat verib.

Sonra AİB məsləhətçiləri texniki yardım layihəsinin məqsədini diqqətə çatdırıb, eləcə də layihə çərçivəsində aidiyyəti dövlət qurumları ilə məsləhətləşmələrin əhəmiyyətli olduğunu vurğulayıb.

Görüşdə xüsusilə Mərkəzin monitorinq və qiymətləndirmə fəaliyyəti, o cümlədən “2019-2030-cu illər üçün Azərbaycan Respublikasının Məşğulluq Strategiyası” və “Azərbaycan Respublikasının 2022-2026-cı illərdə Sosial İqtisadi İnkişaf Strategiyası” çərçivəsində məşğulluq və əmək bazarına dair məsələlər müzakirə edilib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə