“İmtahana buraxılış vərəqəsi” internetdə

01-07-2010 / 05:20

Yaxın günlərdə isə I ixtisas qrupu üzrə ərizə vermiş abituriyentlərin “İmtahana buraxılış vərəqəsi” də komissiyanın internet saytında yerləşdiriləcək

2010/2011-ci tədris ili üçün ali təhsil müəssisələrinə III ixtisas qrupu üzrə qəbul imtahanında iştirak etmək üçün ərizə vermiş abituriyentlər iyunun 25-dən etibarən Tələbə Qəbulu üzrə Dövlət Komissiyasının (TQDK) internet saytına daxil olaraq “İmtahana buraxılış vərəqəsi”ni çap edirlər. Yaxın günlərdə isə I ixtisas qrupu üzrə ərizə vermiş abituriyentlərin “İmtahana buraxılış vərəqəsi” də komissiyanın internet saytında yerləşdiriləcək.


Hər bir ixtisas qrupu üzrə qəbul imtahanına bir neçə gün qalmış müvafiq qrup üzrə ərizə vermiş abituriyentlər “İmtahana buraxılış vərəqəsi”ni çap edə biləcəklər. Bu ildə attestat alan abituriyentlər “(ümumi təhsil müəssisələrini 2010-cu ildə bitirən abituriyentlər və ümumi təhsil müəssisələrini əvvəlki illərdə bitirib attestat ala bilməyən, lakin cari ildə buraxılış imtahanına buraxılan abituriyentlər) “İmtahana buraxılış vərəqə”sini əldə etmək üçün təhsil haqqında sənədinin seriyasını, nömrəsini və verilmə tarixini, fənlər üzrə attestat qiymətlərini elektron ərizəsinə daxil etməli, attestatı elektron ərizəsini təsdiq etdirdiyi Sənəd Qəbulu Komissiyasına təqdim edib attestatda əks olunmuş məlumatları təsdiq etdirməlidir.

Həmin abituriyentlərə Sənəd Qəbulu Komissiyalarına attestat məlumatlarını təsdiq etdirmək üçün aşağıdakı qrafik üzrə müraciət etmələri tövsiyə olunur:

III qrup üzrə: - 03 iyul 2010-cu il saat 17:00-dək
I qrup üzrə: 05 - 09 iyul 2010-cu il, hər gün saat 10:00-dan 17:00-dək
IV qrup üzrə: 12 - 16 iyul 2010-cu il, hər gün saat 10:00-dan 17:00-dək
II qrup üzrə: 19 - 22 iyul 2010-cu il, hər gün ssat 10:00-dan 17:00-dək


 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.