İnnovasiyalar Agentliyində Türkiyə Sənaye və Texnologiyalar nazirliyinin nümayəndə heyəti ilə görüş keçirilib

18-06-2021 / 13:04

Azərbaycan-Türkiyə biznes inkubatorlarının birgə fəaliyyət planı müzakirə olunub

Məlumat üçün bildiririk ki,  17 iyun tarixində İnnovasiyalar Agentliyində Türkiyə Respublikasının Sənaye və Texnologiyalar nazirliyinin nümayəndə heyəti ilə geniş tərkibdə görüş təşkil olunub.

Xeberler.az bildirir ki, görüşdə İnnovasiyalar Agentliyinin İdarə Heyətinin sədri Tural Kərimli qonaqları salamlayaraq qurumun fəaliyyəti, yerli və beynəlxalq tərəfdaşlarla mövcud əməkdaşlıq platformaları haqqında təqdimatla çıxış edib.

Görüşdə həmçinin, İnnovasiyalar Agentliyinin ‘’Pirallahı’’ Yüksək Texnologiyalar parkının rezidenti olan yerli və türk şirkətlərinin təqdimatı keçirilib. Türk sahibkarlar Azərbaycanda iş mühiti üçün yaradılan əlverişli şərait, xüsusi ilə də İnnovasiyalar Agentliyinin texno-parklarında rezidentlik statusu əldə etməklə 10 il müddətinə əldə etdikləri vergi və gömrük güzəştlərindən məmnunluğu ifadə ediblər. Daha sonra Agentliyin nəzdində fəaliyyət göstərən ‘’Barama’’ İnnovasiya və Sahibkarlıq Mərkəzinin koordinatoru Camal Ağayev startaplara dəstək inkişaf proqramları haqqında danışaraq yerli və xarici mentorlardan ibarət peşəkar komandanın uğurlu layihələrindən söhbət açıb.

‘’Barama’’ İnnovasiya və Sahibkarlıq mərkəzinin 2020-2021 məzunu olmuş ən uğurlu 6 startap ‘’Ağıllı şəhər’’, maliyyə, ətraf mühit, müdafiə sənayesi, təhsil və sosial sahibkarlıq texnologiyalarına dair layihələrin təqdimatını keçiriblər. Azərbaycanlı startapların təqdimatları türkiyəli mütəxəssislərdə böyük maraq yaratmış və təqdimatlar geniş müzakirələrlə müşaiət olunub.

Həmçinin, Türkiyəli nümayəndə heyəti İnnovasiyalar Agentliyinin ‘’Pirallahı’’ Yüksək Texnologiyalar Parkının rezidenti olan ‘’RD Smart’’ və ‘’Smart Home’’ şirkətlərinin istehsalat sahələrinə baş çəkmiş və hazır məhsullarla əyani tanış olmuşlar.

Görüşün sonunda tərəflər startapların regional bazarlara çıxış imkanlarının dəstəklənməsi istiqamətində birgə ‘’keçid’’ proqramlarının, mentorluq fəaliyyətinin, inkubasiya və innovasiya mərkəzlərinin yaradılması haqqında razılığa gəliblər.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.