İnnovasiyalar Agentliyi və Mars Academy Açıq qapı günü keçirib

07-09-2019 / 19:32

Xeberler.az bildirir ki, sentyabrın 7-də İnnovasiyalar Agentliyi ilə “Mars Academy” valideyn və uşaqlar üçün “Açıq qapı” günü təşkil edib.

Agentlikdən bildirilib ki, uşaqlar “Mars Akademy”nin kursları, məzmunu, avadanlıqlar, həmyaşıdlarının hazırladığı layihələrlə tanış olub, böyük həvəslə “workshop”da iştirak ediblər.

“Mars Academy” keyfiyyətli STEAM (elm, texnologiya, mühəndislik, incəsənət, riyaziyyat) təhsil proqramları təklif etməklə gələcəyin yenilikçi texnologiya mühəndislərinin yetişməsinə töhfə verir. Kursun əsas hədəfi uşaqlarda XXI əsrin ən vacib bilik və bacarıqları sayılan innovativ, yaradıcı düşünmə, məntiqi təfəkkür, hesablama düşüncəsi, motorika bacarıqları, layihə üzərində komanda şəkilində işləmə, təqdimat bacarıqlarını inkişaf etdirməkdir. Kurs 4 istiqamət üzrə 5-15 yaşarası uşaqları bir araya gətirir. Robotiks-robot qurmaq və proqramlaşdırmaq; mühəndislik-elm, texnologiya, mühəndislik, fizika, kimya, incəsənət və riyaziyyata inteqrasiya edən STEAM proqramlarını; proqramlaşdırma - proqramlaşdırma anlayışı, animasiya və sadə oyunlar; rəqəmsal incəsənət-memarlıq abidələri və təxəyyülə uyğun 3D fiqurlar yaratmaq və animasiyaya çevirmək bacarıqlarını öyrədir.

“Açıq qapı” gününə 100-dən çox uşaq və valideyn qatılıb.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.