İnsanabənzər robot yaradılıb

31-01-2017 / 14:57

İnnopolis Universitetinin (Rusiyanın Tatarıstan Respublikası) koqnitiv robot texnikası sistemləri laboratoriyasının mütəxəssisləri emosional robot yaradıb.

Qaqarin adlandırılmış robot həmsöhbətinin emosiyalarını (məsələn, qəzəb, sevinc, qorxu, təəccüb, nifrət və qəm) tanıya və onları sərbəst şəkildə canlandıra bilir.

Xeberler.az ict.az-a istinadən məlumat verir ki, rus dilində danışan robot predmetləri də tanıyır və müəyyən mövzularda söhbət edir.

İnsanabənzər robot həmsöhbətini eşitməsi və onunla ünsiyyət saxlaya bilməsi üçün mikrofon və səs gücləndiricilərlə təchiz edilib, gözlərinə videokameralar quraşdırılıb. O, emosiyaları sifətinin rezin dərisinin altında gizlədilmiş 30 mühərrikin köməyilə ifadə edir.

Robot hələ ki, qismən hazırdır. İnnopolis əməkdaşları hazırda tam robotu yığmağı planlaşdırırlar. Bunun üçün onlara ilkin hesablamalara görə, 50 min dollar vəsait lazım ola bilər.

İstehsalçılar emosional robotun insanları darıxdırıcı və adi işdən xilas edərək onlara daha yaradıcı peşələrlə məşğul olmaq imkanı verəcəyinə əmindirlər.

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.