Yaponiyada robot-müəllim yaradılıb

14-03-2009 / 17:28

Yaponiyanın Tokio Universitetinin mütəxəssisləri robot-müəllim yaradıblar.
Saya adlı zərif robot-qızın insana oxşarlıq səviyyəsi olduqca yüksəkdir. Bu robot insanın altı əsas hisslərini ifadə edə bilir – təəccüb, qorxu, nifrət, hirs, sevinc və kədər. Daha təbii görünüş üçün vizual olaraq əsl dəridən demək olar ki fərqlənməyən elastik rezin dəri ilə örtülmüş yeni robot göz və ağız hərəkətlərinin idarə olunmasını təmin etmək üçün xüsusi qurğularla təchiz olunub.

Quraşdırılmış sistemin köməyi ilə Saya həmçinin qaşlarını tərpədir, təvazökarlıqla gülümsəyərək dodaqlarını dartır və ya ətrafda baş verənlərə öz təəccübünü bildirərək gözlərini geniş açır, Cybersecurity yazır.

Yeni robot artıq Tokionun bir neçə məktəblərində 5 və 6-cı sinif şagirdləri arasında sınaqdan keçirilib. Mütəxəssislərin fikrincə Saya və digər bu cür robotların əsas məqsədi insanı əvəz etməkdir. Və yaxın gələcəkdə bu artıq reallığa çevrilə bilər. Yeni robotun tərtibatçılarının proqnozlarına görə, artıq 10-15 ildən sonra insanlar tam funksional robot-müəllimlər, robot-sürücülər, robot-tibb bacıları, robot-xadimələrin xidmətlərindən istifadə edə biləcəklər.

Qeyd edək ki, robot-müəllimin qiyməti təxminən 51 000 ABŞ dolları təşkil edəcək.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.