PROQRAMLAR

Yeni iOS 9.0.2-də Apple-ın iOS sisteminin əvvəlki versiyasındakı bəzi xətaları düzəldilib.

Xeberler.az xarici mətbuata istinadən bildirir ki, Apple-ın açıqlamasına görə, proqramın yenilənməsi, iMessage, ıCloud backups-da və ekranın çevrilməsində (screen rotation) olan xətalar düzəldilib və mobil məlumat (cellular data) parametrləri, həmçinin Podcast app təkmilləşdirilib.

Şirkət ən böyük dəyişikliyin mobil məlumat parametrlərində edildiyini, həmçinin yeni satışa çıxan iPhone 6S və iPhone 6S Plus telefonlarında iMessage-ın istifadəsində yaranan problemlərin aradan qaldırıldığını açıqlayıb.

Qurumun məlumatına görə, bundan əvvəlki versiyada istifadəçilərin telefonuna bildiriş gəldikdə telefonun ekranı yanlış istiqamətə çevrilirmiş.

iOS 9.0.2 yeniləməsi iPhone4s,iPhone 5,iPhone 5c,iPhone 5s,iPhone 6,iPhone 6 plus,iPhone 6s,iPhone 6s plus,iPad Air,iPad Air 2,iPad 2,iPad 3,iPad 4,iPad mini,iPad mini 2,iPad mini 3,iPad mini 4 və iPod touch 5  smartfonları üçün təqdim edilib.

iOS yenilməsini necə yükləmək olar?

iOS 9.0.2 yeniləməsini  Tənzimləmələr>Ümumi> Proqram yeniləmə bölməsindən iPhone və iPad cihazlarınına yükləyə bilərsiniz.

iTunes üzərindən yeniləmək üçün isə iPhone və iPad-i kompüterə  birləşdirməyiniz və yeniləmələri  “yoxla”  deməyiniz kifayətdir. 

Əsmər Qabil